نن د پخواني وژل شوي ولسمشر برهان الدین رباني لومړنی تلین دی.
په کابل کې د ښوونې او روزنې پوهنتون د برهان الدین رباني په نوم ونومول شو.
دغه نوم نن (سې شنبه، سپتمبر/۱۹) په رسمي توګه د چارواکو له خوا یاد شوي پوهنتون ته ورکړل شو.
دغه نومونه د ولسمشر کرزي د فرمان له مخې د پخواني وژل شوي ولسمشر برهان الدین رباني د لومړني تلین په مناسبت تر سره کیږي.
تر دې وړاندې د کندهار هوایي ډګر ته هم د برهان الدین رباني د نوم د ورکړې خبرونه خپاره شوي وو.
نن د پخواني وژل شوي ولسمشر برهان الدین رباني لومړنی تلین دی.
په همدې مناسبت ولسمشر حامد کرزي د هغه د درناوي په موخه د کابل د ښوونې او روزنې پوهنتون د ښاغلي رباني په نوم نومولی دی.
د افغانستان د لوړو زده کړو وزارت وایي د ولسمشر د فرمان له مخې به نن دغه پوهنتون ته نوې لوحه نصب شي.
دغه پوهنتون د کابل په لوېدیځ کې په هغه سیمه کې پروت دی چې د برهان الدین رباني د واکمنۍ پرمهال د مجاهدینو د خپل منځیو جګړو لمبه په کې تر ټولو ډېره توده وه.
