لومړی ځل د چابهار بندر له لارې هندي غنم افغانستان ته ورسېدل
د عکس سرچینه، Getty Images
لومړی ځل د هند ۱۵ زره مټریک ټنه غنم مرسته د چابهار بندر له لارې افغانستان ته راورسېده. تمه کېږي په راتلونکو میاشتو کې به ۱۱۰ زره میټریک ټنه غنم د همدې بندر له لارې افغانستان ته راوړل شي .
افغان، هندي او ایراني چارواکي وایي په چابهار بندر کې د دې دریو هېوادونو ګډه همکاري به د سیمې اقتصاد او سوداګرۍ ته بې ګټې نه وي .
شاوخوا یو نیم کال وړاندې افغانستان هند او ایران د چابهار بندر درې اړخیزه هوکړه لاسلیک کړه چې له مخې به یې هند او افغانستان سوداګریزه راکړه ورکړه له همدې لارې کوي .
د کرنې او مالدارۍ وزارت سرپرست وزیر د دې غنمو د ترلاسه کولو په مراسمو کې وویل افغانستان وروسته له ۴۰ کلونو خپل ځای به سوداګرۍ کې وموند .
ټاکل شوې د هند مرسته شوي غنم د ۷ ولایتونو له ډلې بلخ هرات او کابل په ستراتیژیکو زېرمو کې وساتل شي .
په افغانستان کې د ایران سفیر رضا بهرامي چې نیمروز کې د دغه لومړي بار د سپارلو مراسمو کې یې ګډون کړی و، وویل په چابهار کې د افغانستان، هند او ایران همکاري د هېڅ کوم هېواد پروړانډې د سیالۍ لپاره نه ده او له دې بندره ګټه اخیستل د سیمه ییزې همپالنې سبب کېدای شي:
"په دې مهم بندر کې د درې واړو هیوادونو همکاري هیڅ سیال نه لري خو موږ وایي په سیمه کې باید د سیالۍ ځای یوالي ته ورکړو د سیمې ټول هیوادونه باید وګوري چې له کومې لارې ګډه مرسته کیدای شي سیمه تر هغې نه ودانیږي تر څو چې د سمیې ټول هیوادونه یو بل ته د دوستۍ لاس ورکړي."
افغان ولسمشر پر ټویټر د هند له لوري د غنمو د لومړۍ جوپې رارسېدو هرکلی کړی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
په افغانستان کې د هند سفیر منپریت وهرا دغو محدودیتونو ته په اشارې سره وویل، چاپهار بندر کې د درې واړو هېوادونو ترمنځ همکاري له هېڅ ډول سیاسي هدف پرته ترسره شوې ده:
''موږ پوهېږو چې زموږ ختیځ ګاونډی ستاسې د ترانزیت پر حق ځینې وخت محدودیتونه لګوي. هېڅ دایسې دلیل نه شته چې په ۲۰۱۷ کال کې دغه محدودیتونه د اساسي حق پرسر وضع شي. د افغانستان، هند او ایران ترمنځ د همکارۍ اصلي لامل دا دی چې له سیاسي ستونزې پرته د سیمې هېوادونه پر یوه لار سره ونښلوي.''
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د پاکستان له خوا د سوداګرۍ د ترانزیتي موانعو او محدودیتونو له لګولو وروسته افغانستان د بدیلو لارو په لټه کې شو.
اوسمهال په دې برخه کې پر چابهار بندر ډېر پام ورټول شوی دی.
د عکس سرچینه، Getty Images
افغانستان په وچه کې یو ایسار هېواد دی چې د ګاونډیو هېوادونو، په تېره بیا د پاکستان ترانزیتي لارو ته اړتیا لري، خو له ډېر وخت راهیسې د افغانستان د اقتصادي پروګرامونو طرح کول ارزول کېږي او ان افغانستان اړ شو چې د خپلو تازه مېوو د خرڅلاو لپاره له هند سره خپل هوايي دهلیز پرانیزي.
اوسمهال په افغانستان او سیمه کې چابهار د صادراتو او وارداتو د غوړېدو لپاره پر یوې هیلې بدل شوی دی.
