जस्टिन ट्रुडो: 'अनुहारमा कालो रङ्ग दलेकोमा गहिरो पश्चात्ताप छ'

थोरै डेटा खपत गर्ने गरी पढ्न मिल्ने संस्करण हेर्नुहोस्।

जस्टिन ट्रुडोले अनुहारमा कालो रङ्ग दलेका तस्बिर

२० सेप्टेम्बर २०१९

पढ्ने समय: ३ मिनेट

झन्डै दुई दशकअघि अनुहारमा रङ्ग पोतेर खिचिएका तस्बिरहरू सार्वजनिक भएपछि क्यानडाका प्रधानमन्त्री जस्टिन ट्रुडोले क्षमायाचना गरेका छन्।

जातीय भेदभावको सङ्केत गर्ने ती तस्बिरका कारण निर्वाचनको मुखमा ट्रुडो विवादमा परेका छन्।

सन् २००१ मा वेस्ट पोइन्ट अक्याडमीमा साथीहरूसँग खिचिएको उनको एउटा तस्बिर टाइम म्यागजीनले हात पारेको थियो। उक्त तस्बिरबारे टिप्पणी गर्दै उनले आफ्नो व्यवहारका कारण "गहिरो पश्चात्ताप" भएको र आफूले त्यसो नगर्नुपर्थ्यो भन्ने लागेको बताएका छन्।

अपरिपक्व उमेरमा कति पटक रङ्ग दलिएको थियो त्यो अहिले आफूलाई सम्झना नभएको उनले बताएका छन्।

उनी त्यति बेला भ्यान्कूभरस्थित उक्त निजी विद्यालयमा अध्यापन गर्थे।

के भने ट्रुडोले?

ट्रुडो आगामी महिना (अक्टोबर २१) मा हुने निर्वाचनमा पुन: प्रतिस्पर्धा गर्दैछन्। उनका पिता पिएर ट्रुडो पनि देशका प्रधानमन्त्री थिए।

अरू तस्बिर पनि प्रकाशित हुन थालेपछि विनिपेगमा संवाददाताहरूलाई उनले भने, "पछिल्ला तस्बिरबारे म चिन्तित छु, ठ्याक्कै सङ्ख्या भन्न सक्ने अवस्थामा छैन किनकि मलाई सम्झना छैन।"

कडा प्रतिस्पर्धा हुने ठानिएको निर्वाचनअघि ती तस्बिरहरू सार्वजनिक भएकाले उनको निर्वाचन अभियान प्रभावित बन्ने देखिएको छ।

Skip धेरै पढिएको and continue reading

धेरै पढिएको

End of धेरै पढिएको

प्रगतिशील नीतिलाई आफ्नो मूल चुनावी नारा बनाएका ट्रुडोलाई यो विषयले लाजमर्दो बनाएको छ।

यो काण्ड सार्वजनिक भएपछि विनिपेगमा बिहीवार दोस्रो पटक ट्रुडोले आफ्नो प्रतिक्रिया दिएका हुन्।

उनले भने, "जुनसुकै परिस्थिति वा सन्दर्भमा पनि अनुहार कालो बनाउनु सधैँ अस्वीकार्य हो किनभने त्यसरी कालो अनुहार बनाउने कुरा जातीय भेदभावको इतिहाससँग जोडिएको छ।"

यो X पोस्ट छोड्नुहोस्, 1

X को सामग्रीलाई अनुमति छ?

यो लेखमा X बाट प्राप्त सामग्री समाविष्ट छ। यहाँ केही लोड हुनुअघि हामी तपाईँसँग अनुमति माग्छौँ किनभने तिनले कुकीज र अन्य प्रविधि प्रयोग गरेका हुनसक्छन्। स्वीकृति दिनुअघि तपाईँ X cookie policy र पढ्न सक्नुहुन्छ। यो सामग्री हेर्नका लागि 'स्वीकार छ, अगाडि बढौँ' छान्नुहोस्।

चेतावनी: तेस्रो पक्षको सामग्रीमा विज्ञापन हुनसक्छ

X पोस्ट समाप्त, 1

सामग्री उपलब्ध छैन

थप X मा हेर्नुहोस्अन्य वेबसाइटका सामग्रीहरूका लागि बीबीसी जिम्मेवार छैन।

"मैले त्यस बेलै यो कुरा बुझ्नुपर्थ्यो र यस्तो कहिल्यै पनि गर्नुहुँदैन थियो," उनले भने।

आफूले धेरै मानिसलाई निराश बनाएको स्वीकार गर्दै उनले विगतलाई सम्झिँदै आफूले माफी मागेको पनि उल्लेख गरेका छन्।

उनले अन्य उदारवादी उम्मेदवारहरूलाई पनि टेलिफोन गरेर उनको व्यवहारका लागि माफी माग्न अनुरोध गरिरहेका छन्।

तस्बिरमा के छ?

बिहीवार फेरि एउटा भिडिओ सार्वजनिक भएको छ। त्यसमा ट्रुडोले सेतो टीशर्ट र च्यातिएको जीन्स लगाएका छन् तथा उनको अनुहार र हातखुट्टामा कालो रङ्ग दलिएको छ।

सन् १९९० को दशकमा खिचिएको उक्त दृश्यमा उनलाई हाँसिरहेको देखिन्छ। उनको हात हावामा फैलिएको छ र उनले जिब्रो बाहिर निकालेका छन्।

त्यस समयमा ट्रुडो आफ्नो किशोरावस्थाको अन्त्यतिर वा २० वर्षको आरम्भतिर थिए।

त्यसरी अनुहार कालो बनाउने चलन विगतमा मनोरञ्जन उद्योगमा थियो।

त्यसमा श्वेतवर्णका मानिसहरूले रङ्ग दलेर आफ्नो अनुहारलाई कालो बनाउँथे। जातिवादीहरूले व्यङ्ग्यका रूपमा त्यसो गर्ने गर्थे।

अरू विवाद के छन् ?

आफ्नो छवि जोगाउन सङ्घर्ष गरिरहेका प्रधानमन्त्रीले भ्यान्कूभरको विद्यालयको उत्सवमा झन्डै दुई दशकअघि खैरो अनुहार देखिने शृङ्गार गरेकोमा बुधवार क्षमा मागेका थिए।

टाइम म्यागजीनले प्राप्त गरेको सन् २००१ को वार्षिक पुस्तकमा त्यसबेला २९ वर्षका रहेका ट्रुडोले छालाको रङ्ग अर्कै देखिनेगरी अनुहार र हातमा रङ्ग दलेको देखिन्छ।