लाइभ, दोलखामा प्रहरीद्वारा हवाई फायर, झापा जान बालेन चढेको हेलिकप्टर काठमाण्डू नै फर्कियो

नेपालमा गत भदौ महिनामा जेन जी आन्दोलन आज बिहान ७ बजेदेखि देशभरि प्रतिनिधिसभाको निर्वाचनका लागि मतदान भइरहेको छ।

सारांश

प्रतिनिधिसभाको निर्वाचनमा आज बिहान ७ बजेदेखि देशभरि एकै चरणमा मतदान सुरु भएको छ
यो निर्वाचनबाट प्रत्यक्षतर्फ १६५ र समानुपातिकतर्फ ११० सांसद निर्वाचित हुने छन्
निर्वाचनमा प्रत्यक्ष र समानुपातिक प्रणालीका लागि छुट्टाछुट्टै मतपत्र छन्
गत भदौ महिनामा जेन जी आन्दोलन भएपछि प्रतिनिधिसभा भङ्ग भएको थियो। त्यसैले निर्धारित समयभन्दा अगाडि नै अहिले निर्वाचन भएको हो
मतदान केन्द्रमा दिउँसो ५ बजेसम्म भोट हाल्न पाइने आयोगले जनाएको छ
निर्वाचनलाई निष्पक्ष, धाँधलीरहित र शान्तिपूर्ण रूपमा सम्पन्न गर्न आवश्यक सुरक्षा व्यवस्था मिलाइएको सरकारले जनाएको छ

लाइभ कभरेज

१५ मिनेट पहिलेविभिन्न दलका प्रमुख नेताहरूले कसले कहाँ गरे मतदान
विभिन्न राजनीतिक पार्टीका मुख्य नेताहरूले आफू स्थायी मतदाता रहेका विभिन्न जिल्लास्थित मतदानकेन्द्र पुगेर भोट खसालेकाा छन्।
मतदान गर्नेहरूमा उम्मेदवार रहेका र नरहेका नेताहरू पनि छन्।
त्यस्तै सुनसरीबाट उम्मेदवारी दिएका श्रम संस्कृति पार्टीका अध्यक्ष हर्कराज राई ‘साम्पाङ’ ले धरान उपमहानगरपालिका–१८ स्थित मतदान केन्द्रमा मतदान गरेको राष्ट्रिय समाचार समितिले जनाएको छ।
राष्ट्रिय सभाका अध्यक्ष नारायण दाहालले चितवनको भरतपुर महानगरपालिका वडा नं १४ स्थित मतदानकेन्द्रबाट मतदान गरेका छन्।
पूर्वसभामुख देवराज घिमिरेले झापा २ अन्तर्गत अर्जुनधारामा मतदान गरेका छन्। उनी त्यहाँ उम्मेदवार छन्।
१७ मिनेट पहिलेअधिकांश स्थानमा अवस्था शान्तिपूर्णः गृह मन्त्रालय, १०:३० बजेसम्म औसतमा ९ प्रतिशत मतदान
गृह मन्त्रालयले आज बिहान १०:३० बजेसम्म औसतमा ९ प्रतिशत मतदान भएको जनाएको छ।
त्यसअघि निर्वाचन आयोगले करिब ६ प्रतिशतले बिहान १० बजेसम्म भोट खसाएको जनाएको थियो।
झन्डै १ करोड ९० लाख मतदाताहरू रहेको चुनावमा अपराह्ण ५ बजेसम्म भोट खसाल्ने समय तोकिएको छ।
गृह मन्त्रालयका प्रवक्ता आनन्द काफ्लेले अधिकांश क्षेत्रमा शान्तिपूर्ण ढङ्गले नै मतदान भइरहेको बताए।
२८ मिनेट पहिलेसर्लाही ४ को मतदानकेन्द्रमा झडपपछि बिथोलिएको मतदान पुनः सुरु
नेपाली कांग्रेसका सभापति गगन थापा उम्मेदवार रहेको सर्लाही क्षेत्र नं ४ को बलारा नगरपालिकास्थित एउटा मतदानकेन्द्रमा झडप हुँदा झन्डै १५ मिनेट रोकिएको मतदान पुनः सुरु भएको अधिकारीहरूले बताएका छन्।
प्रमुख निर्वाचन अधिकृत विनोदप्रसाद घिमिरेले दुवै पक्षलाई सम्झाई बुझाइ गरिएको र मतदान सुरु भएको जानकारी दिए।
गृह मन्त्रालयका अधिकारीले पनि त्यहाँ सामान्य झडप भएको बताएका छन्।
उक्त क्षेत्रमा राष्ट्रिय स्वतन्त्र पार्टीबाट अमरेशकुमार सिंह उम्मेदवार छन्।
३२ मिनेट पहिले६५ प्रतिशतभन्दा बढी मत खस्ने निर्वाचन प्रमुखको अपेक्षा, प्रदीप बस्याल, बीबीसी न्यूज नेपाली
बिहीवार मतदान गरेपछि पत्रकारहरूसँग बोल्दै कार्यवाहक प्रमुख निर्वाचन आयुक्त रामप्रसाद भण्डारीले ६५ प्रतिशतभन्दा बढी मत खस्ने अपेक्षा गरिएको बताएका छन्।
उनले बिहानैदेखि एक दर्जनभन्दा बढी हिमाली जिल्लाका अधिकारीसँग सम्पर्कमा रहेको भन्दै त्यहाँ मौसम अनुकूल रहेको र मतदान जारी रहेको बताए।
तर विगतका चुनावमा पाँच प्रतिशतजित मत बदर भएको देखिन्छ।
यस निर्वाचनका लागि १ करोड ८९ लाख ३ हजार ६८९ जना योग्य मतदाता छन्।
त्यसैले यस पटक निर्वाचन सचेतना कार्यक्रमलाई समेत व्यापक रूपमा सञ्चालन गरिएको निर्वाचन आयोगका अधिकारीहरूले बताउँदै आएका छन्।
यसअघिका चुनावमा कहिले कति मत खसेको थियो
- विसं २०७९: ६१.६३ प्रतिशत
- विसं २०७४: ६८.६७ प्रतिशत
- विसं २०७०: ७८.३४ प्रतिशत (दोस्रो संविधानसभा)
- विसं २०६४: ६१.७० (पहिलो संविधानसभा)
- विसं २०५६: ६५.७९ प्रतिशत
- विसं २०५१: ६१.८६ प्रतिशत
- विसं २०४८: ६५.१५ प्रतिशत
स्रोत: निर्वाचन आयोग
४७ मिनेट पहिलेझापा जान बालेन चढेको हेलिकप्टर किन काठमाण्डू फर्कियो, गनी अन्सारी, बीबीसी न्यूज नेपाली
झापाबाट उम्मेदवारी दिएका राष्ट्रिय स्वतन्त्र पार्टीका वरिष्ठ नेता बालेन्द्र शाह 'बालेन' चढेको हेलिकप्टर झापा नपुगी काठमाण्डू फर्केको अधिकारीहरूले बताएका छन्।
त्रिभुवन विमानस्थलबाट झापाका लागि उडेको एक घण्टापछि काठमाण्डू नै फर्किएको विमानस्थलका प्रवक्ता सन्तुष्टकुमार बस्नेतले बीबीसीलाई बताए।
उनका अनुसार बिहान ९ः११ बजे त्रिभुवन विमानस्थलबाट उडेको हेलिकप्टर १०ः०९ बजे अवतरण गरेको थियो।
“प्राविधिक कारणले होइन। ‘अपरेशनल रिक्वाअरमन्ट’ का कारण अवतरण हुन नसकेको एटीसीले जनाएको छ,” बीबीसी न्यूज नेपालीसँग बस्नेतले भने।
जानकारहरूका अनुसार हवाई सञ्चालनका लागि अनुकूल अवस्था नहुनुलाई 'अपरेशनल रिक्वाअरमन्ट' भनेर बुझिन्छ।
काठमाण्डूमा मतदान गरेर आफू उठेको झापास्थित निर्वाचन क्षेत्रतर्फ जान लागेका थिए। एमाले अध्यक्ष केपी शर्मा पनि उम्मेदवार रहेको झापा ५ चर्चामा छ।
यो पनि पढ्नुहोस्
चुनावपछि प्रधानमन्त्री बन्ने आकाङ्क्षा बोकेर मैदानमा ओर्लिएका यी उम्मेदवार
५० मिनेट पहिलेभोट हाल्ने सही तरिका
मतदान गर्न जान लाग्नुभएको छ तर कसरी गर्ने भन्नेमा अलमलमा हुनुहुन्छ भने भिडिओ तपाईँका लागि उपयोगी हुन सक्छ।
५० मिनेट पहिलेसर्लाही क्षेत्र नम्बर ४ को ताजा अवस्था के छ?
सर्लाहीको क्षेत्र नम्बर ४ मा शान्तिपूर्ण ढङ्गले मतदान भइरहेको र त्यहाँका विभिन्न मतदानकेन्द्रको आफूहरूले अनुगमन गरिरहेको अधिकारीहरूले बताएका छन्।
निर्वाचन अधिकृत विनोदप्रसाद घिमिरेले बीबीसीसँग भने, “मतदान स्वतःस्फूर्त रूपमा भइरहेको छ। हामी पनि घुमिरहेका छौँ। त्यस्तो झैझगडा भएको हामीलाई थाहा छैन।"
"हामी पनि मतदानकेन्द्रमा घुमिरहेका छौँ। राम्रोसँग चुनाव भइरहेको छ।”
“एउटा निर्वाचनमा हाम्रो कारणले होइन। त्यो जनता-जनताबीचकै आपसी समस्या हो। त्यहाँ हामी पनि पुगेर आयौँ। अहिले त्यस्तो केही छैन।”
प्रत्येक मतदानस्थलमा बिहान १०ः३० बजे २५० जति मत खसेको आकलन गरिएको बताए।
१ घण्टा पहिलेअहिलेसम्म हामीलाई के थाहा छ
- मतदान देशैभरि धेरैजसो स्थानमा बिहान ७ बजे निर्धारित समयमा नै आरम्भ भयो
- साढे तीनघण्टा बितिसक्दा झन्डै ६ % मत खसेको निर्वाचन आयोगले बताएको छ
- धेरै स्थानमा मतदाताहरूको लामो लाइन लागेको हाम्रा संवाददाताहरूले जनाएका छन्। बिहानको प्रारम्भिक क्षणमा धेरैजसो पाका उमेरका मतदाताहरू सहभागी भएको देखिएको छ
- पहिलोपल्ट मतदानमा सहभागी जेन जी पुस्ताका मतदाताहरूले मतदान गर्न पाउँदा आफू निकै उत्साहित भएको र आफूहरूले मत दिएका उम्मेदवारहरूले मतदातालाई निराश नपार्लान् भनेर आशा गरेको बताएका छन्।
- बिहानै अन्तरिम प्रधानमन्त्री, प्रमुख निर्वाचन आयुक्त लगायतले पनि मतदान गरेका छन्
- चर्चामा रहेका मुख्य दलका उम्मेदवारहरूले पनि मतदान गरेका छन्। झापा ५ का बालेन साहद्वारा काठमाण्डूको गैरीगाउँमा, सर्लाही ४ का गगन थापाद्वारा काठमाण्डूको मैतीदेवीमा र रुकुम पूर्वका पुष्पकमल दाहाल प्रचण्डले चितवनमा मतदान गरेका छन्
- विभिन्न स्थानमा झडप र मतदान अवरोध गर्ने प्रयास भएको समाचार आएको छ। दोलखाको एउटा मतदानकेन्द्रमा स्थिति असहज बनेपछि प्रहरीले हवाई फायर गरेको अधिकारीहरूले बताएका छन्। "मालु मतदानकेन्द्रमा निर्वाचन कर्मचारीमाथि हातपात भएपछि हवाई प्रहार भएको हो,” दोलखाका सहायक प्रमुख जिल्ला अधिकारी औलाखबहादुर आलेले बीबीसी न्यूज नेपालीसँग भने।
- रोचक विवरणः डोल्पास्थित ४,००० मिटरको उचाइमा रहेको मतदान केन्द्रहरूमा पनि मतदान। १०५ वर्षीय मतदाताबाट काठमाण्डूको बुढानीलकण्ठमा मतदान।
१ घण्टा पहिले‘सोमवारसम्म सबै मतगणना सकिन्छ’
कार्यवाहक प्रमुख आयुक्त निर्वाचन आयुक्त रामप्रसाद भण्डारीले सोमवारसम्म सम्पूर्ण मतगणना सकिने दाबी गरेका छन्।
विगतमा सुस्त गणनाको आलोचना भएको अवस्थामा पत्रकारहरूसँग कुरा गर्दै उनले भनेः “बढीमा २५ गतेसम्म हामीले सबै मतपरिणाम घोषणा गरिसक्ने अठोट गरेका छौँ।”
मतदाताको सङ्ख्याअनुसार गणना टोलीको सङ्ख्या निर्धारण गरिने भण्डारीले बताए।
“धेरै सङ्ख्या भएका ठाउँमा धेरै गणना टोली हुन्छ। छिटोभन्दा छिटो मतगणना सम्पन्न गर्न हामी [केन्द्रबाट] सहजीकरण गर्छौँ।”
१ घण्टा पहिलेओली र बालेन उम्मेदवार रहेको झापा ५ मा झन्डै २३ प्रतिशत मतदान
निर्वाचन आयोगका अधिकारीहरूले पूर्वप्रधानमन्त्री केपी शर्मा ओली र राष्ट्रिय स्वतन्त्र पार्टीका नेता बालेन्द्र शाह उम्मेदवार रहेको झापाको निर्वाचन क्षेत्रमा केही बेर अघिसम्म २२-२३ प्रतिशत जति मतदान भइसकेको जनाएका छन्।
झापा पाँचका निर्वाचन अधिकृत विदुरकुमार कार्कीले मतदान शान्तिपूर्ण रूपमा भइरहेको बीबीसीलाई जानकारी दिए।
उनले भने, “मतदान केन्द्रमा युवाभन्दा वृद्ध वृद्धाको चहलपहल छ। हामी पनि १२ वटा जति मतदान केन्द्रहरूमा पुगेर आइसक्यौँ। मतदाताहरूको उपस्थिति उत्साहजनक छ।”
१ घण्टा पहिलेबूढानीलकण्ठमा १०५ वर्षीय खड्काले गरे पहिलो मतदान
काठमाण्डूको बूढानीलकण्ठ नगरपालिका–२ चपली मतदान केन्द्रमा पहिलो मतदाताका रूपमा १०५ वर्षीय ज्येष्ठ नागरिक चन्द्रबहादुर खड्काले मतदान गरेको राष्ट्रिय समाचार समितिले जनाएको छ।
मतदानपछि सञ्चारकर्मीलाई सङ्क्षिप्त प्रतिक्रिया दिँदै खड्काले खुसी व्यक्त गर्दै भने, “यो उमेरमा पनि मतदान गर्न पाउँदा खुसी लागेको छ। देशले योग्य, इमानदार र जनताका पक्षमा काम गर्ने जनप्रतिनिधि पाओस् भन्ने मेरो कामना छ।”
मतदान केन्द्रमा लामबद्ध मतदाताहरूले खड्काप्रति सम्मान प्रकट गर्दै कैयौँले उनीसँग फोटो खिचेर मतदानको क्षणलाई स्मरणीय बनाएका थिए।
१ घण्टा पहिलेनेपाली कांग्रेसका सभापति गगन थापाले के भने
नेपाली कांग्रेसका सभापति गगन थापाले काठमाण्डू-४ को मैतीदेवीस्थित मतदानकेन्द्रमा मतदान गरेका छन्।
उनी यसअघि सोही निर्वाचन क्षेत्रबाट निर्वाचित भएका थिए। तर यसपालि उनी सर्लाही-४ बाट उम्मेदवार बनेका छन्।
पार्टीले उनलाई सम्भावित प्रधानमन्त्रीका रूपमा अगाडि सारेको छ।
मतदान गर्नुअघि बीबीसीसँग सङ्क्षिप्त कुराकानी गर्दै थापाले आफू "निकै उत्साहित" भएको बताए।
मतदान गरेपछि उनले मधेशको सर्लाहीमा निर्वाचन प्रचारका क्रममा आफूले अहिलेसम्म काठमाण्डूबाट प्राप्त गरेको राजनीतिक अनुभव अपर्याप्त रहेछ भन्ने महसुस गरेको बताइए।
"नेपाल विविधता भएको देश हो। विविधता भएको देशमा मैले लिने नीतिहरू, मैले गर्ने निर्णयहरू... म अहिले यस्तो अवस्थामा छु अब कि मैले सबैतिर समान दृष्टिकोण प्रस्तुत गर्नुपर्छ। मैले मधेश पनि आफ्नै ठान्छु, पहाड पनि आफ्नै ठान्छु। मलाई सहरको कुरा पनि थाहा छ, गाउँको कुरा पनि थाहा छ।
पार्टीको विशेष महाधिवेशनबाट सभापति निर्वाचित भएका थापाको नेतृत्वमा नेपाली कांग्रेस निर्वाचनमा सहभागी भएको हो।
१ घण्टा पहिलेबिहान १० बजेसम्म ६ प्रतिशत मत खस्योः निर्वाचन आयोग
निर्वाचन आयोगले बिहान १० बजेसम्म करिब ६ प्रतिशत मत खसेको जनाएको छ।
“बिहान १० बजेसम्म देशभरि १०,६५,१२० (करिब ६ प्रतिशत) मत खसेको जानकारी प्राप्त भएको छ,” आयोगले भनेको छ।
देशभरि शान्तिपूर्ण रूपमा मतदान भइरहेको भन्दै आयोगका अधिकारीहरूले मतदाताहरूको उत्साहपूर्ण सहभागिता देखिएको बताएका छन्।
यद्पि दोलखाको एउटा मतदानकेन्द्रमा तनाव उत्पन्न भएपछि बिहान केही बेर मतदान अवुरुद्ध भएको थियो।
१ घण्टा पहिलेदोलखाको एउटा मतदानकेन्द्रमा हवाई फायर, मतदान केही बेर अवरुद्ध, गनी अन्सारी
दोलखाको एउटा मतदानकेन्द्रमा स्थिति असहज बनेपछि प्रहरीले हवाई फायर गरेको अधिकारीहरूले बताएका छन्।
“मालु मतदानकेन्द्रमा निर्वाचन कर्मचारीमाथि हातपात भएपछि हवाई प्रहार भएको हो,” दोलखाका सहायक प्रमुख जिल्ला अधिकारी औलाखबहादुर आलेले बीबीसी न्यूज नेपालीसँग भने।
“स्थिति असहज बनेपछि केही बेर मतदान अवरुद्ध भएको थियो। अहिले मतदान फेरि शुरू भइसकेको छ,” आलेले भने।
१ घण्टा पहिलेगृह मन्त्रालयको कन्ट्रोल सेन्टरबाट सुरक्षा अनुगमन
निर्वाचन सुरक्षाबारे गृहमन्त्री ओमप्रकाश अर्याल, गृहसचिव राजकुमार श्रेष्ठसहित सुरक्षा निकायका प्रमुखहरूले गृह मन्त्रालयको कन्ट्रोलमा बसेर अनुगमन गरिरहेको अधिकारीहरूले बताएका छन्।
गृह मन्त्रालयले जनाएअनुसार गृह मन्त्रालयका उच्च अधिकारीको टोलीले गृह मन्त्रालयको कन्ट्रोल सेन्टरमा बसी सबै निर्वाचन क्षेत्रहरुको सुरक्षाबारे समन्वय र अनुगमन गरिरहेका छन्।
२ घण्टा पहिलेपहिलो पटक र नवौँ पटक भोट हालेका मतदाता के भन्छन्
गत भदौ महिनामा जेन जी आन्दोलन भएपछि ‍अहिले प्रतिनिधिसभाको निर्वाचनका लागि देशभरि मतदान भइरहेको छ।
आज बिहान मतदान गरेका केही मतदातासँग हामीले कुराकानी गरेका छौँ।
२ घण्टा पहिलेनिर्बाध रूपमा देशभरि मतदान जारीः आयुक्त जबरा
अहिले देशभरि निर्बाध रूपमा सबै मतदान केन्द्रहरूमा मतदान जारी रहेको एकजना आयुक्तले बीबीसीलाई बताएका छन्।
“कहीँ कतै कुन किसिमको समस्या देखिएको छैन। शान्तिपूर्ण ढङ्गले निर्बाध रूपमा मतदान जारी छ,” आयुक्त सगुन शम्शेर जबराले बीबीसी न्यूज नेपालीसँग भने।
काठमाण्डूको कान्तिपथस्थित आयोगको मुख्यालयस्थित संयुक्त निर्वाचन सञ्चालन केन्द्रबाट आयुक्तहरूले निर्वाचनसम्बन्धी गतिविधिलाई नियालिरहेका छन्।
“समन्वयसम्बन्धी समस्या भएर अपवादमा कतैकतै सामान्य असमझदारी भएको हुन सक्छ। तर समग्रमा राम्ररी मतदान भइरहेको अवस्था छ,” जबराले थपे।
बिहीवार बिहान ७ बजेबाट शुरू भएको मतदान दिउँसो ५ बजेसम्म जारी रहने अधिकारीहरूले बताएका छन्।
निर्वाचन अधिकृतहरूका अनुसार देशभरि मतदानकेन्द्रहरूमा मतदाताहरूको उत्साहजनक सहभागिता देखिएको छ।
देशभरि १६५ क्षेत्रमा एकसाथ मतदान भइरहेको छ।
२ घण्टा पहिले४,००० मिटर आसपासको उचाइका मतदान केन्द्रहरू, प्रदीप बस्याल/बीबीसी
पश्चिम नेपालको उपल्लो डोल्पामा मात्र ४,००० मिटरभन्दा उचाइमा १० वटा मतदान केन्द्र रहेको डोल्पाकी प्रमुख जिल्ला अधिकारी जुनु हमाल ढकालले बीबीसीलाई जानकारी दिएकी छन्।
"ती सबै केन्द्रका मतपेटिका भोलि मात्र हेलिकप्टरमार्फत् ल्याइनेछ, १२ बजेपछि सितिमिति हेलिकप्टर उडाउन सकिँदैन," प्रजिअ ढकालले भनिन्।
हिमालपारिको जिल्लाका रूपमा चिनिने मुस्ताङको सबैभन्दा माथिल्लो मतदान केन्द्र उपल्लो मुस्ताङको छोसेरमा रहेको मुस्ताङकी प्रमुख जिल्ला अधिकारी अजिता शर्माले बीबीसीलाई बताइन्।
"छोसेरमा कुल ३३९ मतदाता छन् भने मुस्ताङमा सबैभन्दा धेरै मतदाता जोमसोमको एउटा केन्द्रमा ६८९ जना छन्," शर्माले भनिन्।
त्यसैगरी सोलुखुम्बुको सबैभन्दा माथिल्लो मतदान केन्द्र पाङबोचे करिब ४,००० मिटर उचाइमा छ। प्रसिद्ध सगरमाथा पदयात्रा मार्गमा पर्ने लुक्लामाथि ९ वटा मतदान केन्द्र रहेको सोलुखुम्बुकी प्रमुख जिल्ला अधिकारी लीलाकुमारी केसी पाण्डेले बीबीसीलाई बताइन्।
"पाङबोचे सगरमाथा आधार शिविर नजिकै पर्ने एउटा गाउँ हो। हामीले त्यहाँबाट करिब ९-१० घण्टा मतपेटिका बोकाएर ३,४०० मिटर उचाइको नाम्चे बजारमा ल्याएर त्यहाँबाट हेलिकप्टरमा ल्याउँछौँ," प्रजिअ पाण्डेले भनिन्।
खुम्बुमा लुक्लामाथिका सबै मतदान केन्द्रबाट मतपेटिका नाम्चे बजारसम्म बोकाएर त्यहाँबाट हेलिकप्टरमा उठाएर जिल्ला सदरमुकाम ल्याउने योजना छ।
२ घण्टा पहिलेप्रधानमन्त्री कार्कीद्वारा मतदान
प्रधानमन्त्री सुशीला कार्कीले मतदात गरेकी छन्। उनले काठमाण्डूस्थित मतदान केन्द्र पुगेर भोट खसालेकी हुन्।
उनले भोट हाल्न सबै मतदातालाई आह्वान पनि गरेकी छन्।
“तपाईँको प्रत्येक मत हाम्रो भविष्य निर्धारणका लागि महत्त्वपूर्ण छ,” उनले भनेकी छन्।
प्रधानमन्त्री कार्कीले शान्तिपूर्ण निर्वाचनका लागि आमनागरिकले देखाएका संयम र समझदारीप्रति आभार व्यक्त गरेकी छन्।
३ घण्टा पहिलेबिहान पाका मतदाताको चहलपहल, 'अब के हुन्छ थाहा छैन'
काठमाण्डूका मतदानकेन्द्रहरूमा बिहानैबाट मतदाताहरूको चहलपहल बढेको छ।
काठमाण्डूको हाँडीगाउँस्थित मतदानकेन्द्रमा ७२ वर्षकी दुर्गाकुमारी लामा र उनका पति कृष्णबहादुरले मतदान गरे। घरमा नातिहरूसँग समय बिताउने उनले भनिन्, “अब के हुन्छ थाहा छैन। भगवान्‌ले नै जानून्। चुनावपछि राम्रो हुनुपर्‍यो। सबै मिल्नुपर्‍यो, देशलाई राम्रो बनाउनुपर्‍यो।”
“जनताले कति दुःख पाइरहेको छ, अहिले पनि ग्यास पाएको छैन। जनता मरेको मर्‍यै छ, नराम्रो र भ्रष्टाचार मात्रै गरेर भएन। केही नजान्ने मान्छेलाई पनि यो कुरा थाहा छ।
उनका पति कृष्णबहादुर लामाले पहिले र अहिलेको चुनावमा फरक रहेको बताए।
“भ्रष्टाचारका कारण देश खाल्डोमा पर्‍यो र व्यक्ति व्यक्ति माथि गए भन्ने चिन्ता छ। २४ घण्टामा विश्वमै नभएको कुरा नेपालमा भयो। राम्रो व्यक्ति आउँछन् जस्तो लाग्छ। हाम्रो सुन्दर देश हो। गर्न खोज्यो भने देश विकास हुन्छ।”
विभिन्न मतदानकेन्द्रमा पुगेका बीबीसी संवाददाताहरूका अनुसार बिहानीपख मतदान गर्न जानेहरूमा युवाभन्दा पनि पाका मतदाताहरूको सङ्ख्या ठूलो छ।

लाइभ, दोलखामा प्रहरीद्वारा हवाई फायर, झापा जान बालेन चढेको हेलिकप्टर काठमाण्डू नै फर्कियो

सारांश

लाइभ कभरेज

१५ मिनेट पहिलेविभिन्न दलका प्रमुख नेताहरूले कसले कहाँ गरे मतदान

१७ मिनेट पहिलेअधिकांश स्थानमा अवस्था शान्तिपूर्णः गृह मन्त्रालय, १०:३० बजेसम्म औसतमा ९ प्रतिशत मतदान

२८ मिनेट पहिलेसर्लाही ४ को मतदानकेन्द्रमा झडपपछि बिथोलिएको मतदान पुनः सुरु

३२ मिनेट पहिले६५ प्रतिशतभन्दा बढी मत खस्ने निर्वाचन प्रमुखको अपेक्षा, प्रदीप बस्याल, बीबीसी न्यूज नेपाली

४७ मिनेट पहिलेझापा जान बालेन चढेको हेलिकप्टर किन काठमाण्डू फर्कियो, गनी अन्सारी, बीबीसी न्यूज नेपाली

५० मिनेट पहिलेभोट हाल्ने सही तरिका

५० मिनेट पहिलेसर्लाही क्षेत्र नम्बर ४ को ताजा अवस्था के छ?

१ घण्टा पहिलेअहिलेसम्म हामीलाई के थाहा छ

१ घण्टा पहिले‘सोमवारसम्म सबै मतगणना सकिन्छ’

१ घण्टा पहिलेओली र बालेन उम्मेदवार रहेको झापा ५ मा झन्डै २३ प्रतिशत मतदान

१ घण्टा पहिलेबूढानीलकण्ठमा १०५ वर्षीय खड्काले गरे पहिलो मतदान

१ घण्टा पहिलेनेपाली कांग्रेसका सभापति गगन थापाले के भने

१ घण्टा पहिलेबिहान १० बजेसम्म ६ प्रतिशत मत खस्योः निर्वाचन आयोग

१ घण्टा पहिलेदोलखाको एउटा मतदानकेन्द्रमा हवाई फायर, मतदान केही बेर अवरुद्ध, गनी अन्सारी

१ घण्टा पहिलेगृह मन्त्रालयको कन्ट्रोल सेन्टरबाट सुरक्षा अनुगमन

२ घण्टा पहिलेपहिलो पटक र नवौँ पटक भोट हालेका मतदाता के भन्छन्

२ घण्टा पहिलेनिर्बाध रूपमा देशभरि मतदान जारीः आयुक्त जबरा

२ घण्टा पहिले४,००० मिटर आसपासको उचाइका मतदान केन्द्रहरू, प्रदीप बस्याल/बीबीसी

२ घण्टा पहिलेप्रधानमन्त्री कार्कीद्वारा मतदान

३ घण्टा पहिलेबिहान पाका मतदाताको चहलपहल, 'अब के हुन्छ थाहा छैन'