देउवाको ७ पटक जितेको डडेल्धुरामा मतगणनाको तयारी
नेपाली कांग्रेसका पूर्वसभापति शेरबहादुर देउवाको गृहजिल्ला डडेल्धुरामा मतगणनाको तयारी भइरहेको छ।
त्यसका निम्ति सर्वदलीय बैठक गर्न लागिएको मुख्य निर्वाचन अधिकृतको कार्यालयले जनाएको छ।
डडेल्धुरामा ९३,४०३ मतदाता रहेकोमा ४५,९०९ जनाले मतदान गरेका छन्, जसअनुसार यहाँ ४९ दशमलव २ प्रतिशत मत खसेको छ। डडेल्धुरामा तीनजना स्वतन्त्रसहित १३ जना उम्मेदवार छन्।
नेपाली कांग्रेसका नैनसिंह महर, नेपाली कम्युनिस्ट पार्टी (नेकपा) मानसिंह माल, राष्ट्रिय स्वतन्त्र पार्टी (रास्वपा) का डा. ताराप्रसाद जोशीबीच कडा प्रतिस्पर्धा हुने आकलन गरिएको हाम्रा संवाददाता प्रकाश पार्कीले जनाएका छन्।
देउवाले डडेल्धुराबाट सात पटक चुनाव जितेका थिए।
