युद्ध सुरु भएयता मस्कोमा 'सबैभन्दा ठूलो ड्रोन आक्रमण'

राजधानी मस्को तथा वरिपरिका क्षेत्रमा युक्रेनले सोमवार राति "ठूलो" ड्रोन आक्रमण गरेको आरोप रुसले लगाएको छ।

युक्रेन र अमेरिकाका अधिकारीहरूबीच सम्भावित शान्तिवार्ताका विषयमा मङ्गलवार भेटघाट तय भएकामा त्यसको अघिल्लो राति यो घटना भएको हो।

रुसी अधिकारीहरूका अनुसार आक्रमणमा कम्तीमा दुईको मृत्यु भएको छ भने अरू केही मानिस घाइते भएका छन्।

यसलाई युक्रेन र रुसबीच युद्ध सुरु भएयता रुसको राजधानी र नजिकका क्षेत्रमा भएको सबैभन्दा ठूलो ड्रोन आक्रमण मानिएको छ।

बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।