तपाईँ अहिले हाम्रो वेबसाइटको थोरै डेटा प्रयोग हुने ‘टेक्स्ट-ओन्ली’ साइटमा हुनुहुन्छ। सबै तस्बिर र भिडिओसहित मूल वेबसाइटमा जान यहाँ क्लिक गर्नुहोस्।
मूल वेबसाइट तथा पूरा संस्करणमा जानुहोस्।
हाम्रो वेबसाइटको थोरै डेटा प्रयोग हुने संस्करणबारे थप जान्नुहोस्।
चीनले दिएका ड्रोनमा झुन्ड्याएर बाढीबाट प्रभावित स्थानमा खानेकुरा र राहत सामग्री
तिब्बत हुँदै भदौ १० गते भोटेकोशी र त्रिशूली नदीमा आएको विनाशकारी नदीले धेरै ठाउँमा सडक र पुलहरू ध्वस्त पार्यो। प्रभावित स्थानसम्म पुग्न सडकमार्ग नभएकाले हेलिकप्टर प्रयोग गरेर खोज, उद्धार र राहत वितरणको कार्य थालियो।
अहिले केही स्थानमा गह्रुँगा सामान बोक्न सक्ने क्षमता भएका ड्रोनहरू प्रयोग गरेर खाद्यपदार्थ र राहत सामग्री पुर्याउन थालिएको छ।
यी तस्बिरहरू नुवाकोट जिल्लाको त्रिशूलीमा खिचिएको हो।
चीन सरकारले नेपाललाई प्रभावित क्षेत्रमा खाद्यान्न तथा अन्य राहत सामग्री ढुवानीमा सहयोग पुगोस् भनेर चारवटा ड्रोन उपलब्ध गराएको बताइएको छ।
विज्ञान, प्रविधि तथा नवप्रवर्तनमन्त्री महावीर पुनका अनुसार यी ड्रोनहरूको अधिकतम भारवहन क्षमता १०० किलोग्राम छ।
अहिले यिनमा ७० देखि ८० केजीसम्म सामान पठाइएको राहत वितरणमा संलग्न अधिकारी र सहायताकर्मीहरूले बताएका छन्।
यी ड्रोनहरू अब रसुवा र अरू स्थानमा पनि राहत विवरणका लागि प्रयोग गरिने बताइएको छ।
बाढीका कारण रसुवा, नुवाकोट र धादिङका कैयौँ स्थानहरू सडकसम्पर्कबाट अलग्गिन पुगेका छन्।
यद्यपि त्रिशूली नदीपारि जान केही स्थानमा तुइन पनि बनाइएको छ।
बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।
