Misean Mhíleo
Baineann an cluiche spraíúil seo le hábhair éagsúla agus leis na tréithe a bhaineann leo. Caithfidh an carachtar Míleo a bheith déanta as an ábhar ceart le teacht slán trí na puzail éagsúla, agus caithfidh an t-imreoir an t-ábhar is fearr a roghnú dó. Is féidir an cluiche a imirt mar atá sé nó is féidir puzal amháin a roghnú agus gan ach na ceisteanna a fhreagairt. Thig leis an imreoir tuilleadh taighde a dhéanamh ar ábhair agus ar thréithe na n-ábhar ag 'An Binse Ábhar'.
Más mian leat bheith páirteach sna gníomhaíochtaí foghlama seo atá ar bun ag an phaiste, is féidir caint agus plé a spreagadh leis na ceisteanna agus na gníomhaíochtaí seo a leanas:
Cuir cúpla rud atá déanta d'ábhair éagsúla i mála agus abair leis an pháiste iad a láimhseáil gan ligean dó iad a fheiceáil. An féidir leis a thomhas cad é atá ann? Amharc ar na hairíonna a bhaineann le rudaí sa teach agus déan iad a phlé. Pléigh na hairíonna a bhaineann le rudaí éagsúla sa chomhshaol.
