Afcon 2019: Ndị ama aha ha ga-asọ mpi n'Iko Mba Afrịka taa

Asọmpi atọ kara aka ga-esu taata iji mata n'ime mba isii ndị ga-aga agba nke abụọ nke Iko Mba Afrịka na-aga n'ihu ugbua na Ijjpt.

Avịrị Koost, Moroko, Tunishia na Mali bụ mba ndị otu egwuregwu bọọlụ ha ga-asụ mpị na Fraịde a nke akpọpụta ndị ama aha ha ama n'egwuregwu bọọlụ n'ọgbọ egwuregwu.

Kedu ndị ga-agbaka ibe ha?

Mali na Tunishia ga-ezute na ogige ngalaba "Group E" na Suez n'elekere atọ na ọkara n'ehihe.

Tunisha na-enyo ịnata mmeri mbụ ha n'asọmpị a mana nọchịri ha ụzọ - Mali ga-agafe ma ha merie.

Ndi bọọlụ dị ka Wahbi Khazri, Naim Sliti na Yassine Khenissi bụ ndi a na-ache na ha ga-enye Tunishia ohere ịnata ugo mbụ ha na asọmpị a.

Na Mali, Mousaa Marega bụ otu onye nwereike nye Tunisha nsogbu.

Moroko naAvịrịKoost

Asọmpi a bụ nke ọtụtụ mmadụ na-atụ anya dịka otu egwuregwu abụọ a bụ ndị egwu ha na-amasị ndi mmadụ.

Hakim Ziyech nke Ajax bụ otu onye anya ga-achado, ọ kachasị ka o wetachara otu ahu aka ruo ọkara Iko Champions League nke afọ a.

Ọ bụ Moroko kụpụrụ Avịrị Koost n'ọgbọ n'asọmpi nke 2017.

Onye nkuzi ha bụ Herve Renard nwere olileanya iburu Iko Afcon nke atọ ya.

Moroko merie Avịrị Koost, ha ga-eji pọịntị isii mana ha ga-achọ enyemaka ndị dị ka Sofiane Boufal na Younes Belhanda.

Avịrị Koost kwesiri imeri iji gafe dịka Naịjirịa, Ijipt na Ọljirịa bụ ndị gafelara ga-agba nke abụọ.

Saụt Afịrịkana Namibia

Mba abụọ a bụ agbataobi ga-ezute onwe ha ka ha achịtaghị aja mgbe ha na Avịrị Koost na Moroko zutere.

Percy Tau na Lebo Mothiba bu ndi egwuregwu Saụt Afịrịka ga na-achọ inye goolu mbụ ha na Afcon n'egwuregwu.