Oyetola, Adeleke, Lasun... Lee ndị na-azọ ọkwa Gọvanọ Osun Steeti

Gboyega Oyetola, Ademola Adeleke, Yusuf Lasun — Nkọwa foto, Adegboyega Oyetola, Ademola Adeleke, Yusuf Lasun

13 Julaị 2022

Na Satọdee na-abịanụ, bụ abalị iri na isii nke ọnwa Julaị afọ 2021, ka a ga-eme ntuliaka iji họpụta gọvanọ ga-anọ n'ọchịchị maka afọ anọ na-abịanụ.

Mmadụ iri na ise bụ ndị na-azọ ọkwa a, nke gụnyere Gboyega Oyetola bụ Gọvanọ nọ n'ọchịchị ugbua.

Oyetola na-azọ ọkwa gọvanọ nke ugboro abụọ, mana e nwere ndị isi kara aka so ya azọ ọkwa ahụ.

Pati iri na ise na-azọ ọkwa gọvanọ Osun steeti

Accord - Akinade Akanmu Ogunbiyi

Africa Action Congress - Awojide Peter Segun

Action Democratic Party - Kehinde Munirudeen Olumuyiwa A Atanda

All Progressives Congress - Adegboyega Isiaka Oyetola

Allied Peoples Movement - Awoyemi Oluwatayo Lukuman

Skip Akachasị Gụọ and continue reading

Akachasị Gụọ

End of Akachasị Gụọ

All Peoples Party - Adebayo Adeolu Elisha

Boot Party - Adeleke Adesoji Masilo Aderemi Adedapo

Labour Party - Yussuff Sulaimon Lasun

New Nigeria Peoples Party - Rasaq Oyelami Saliu

National Rescue Movement - Abede Adetona Samuel

Peoples Democratic Party - Adeleke Ademola Jackson Nurudeen

Peoples Redemption Party - Ayowole Olubusuyi Adedeji

Social Democratic Party - Omigbodun Oyegoke Akinrinola

Young Peoples Party - Ademola Bayonle Adeseye

Zenith Labour Party - Adesuyi John Olufemi

Ndị a ka mara amara n'ime ha

Adegboyega Oyetola

Adegboyega Oyetola, dị afọ iri isii na asatọ, nọ na pati APC, ma bụrụkwa onye na-achị Osun Steeti ugbua.
Ọ bụ onye obodo Iragbiji dị n'okpuru ọchịchị Boripe.
Oyetola rụburu ọrụ dịka onyeisi ndị ọrụ aka chịburu Osun steeti bụ Rauf Aregbesola
Nkwa ọ na-ekwe ndị steeti ahụ bụ na ọ ga-arụchapụ ọrụ ọma ọ malitere.

Ademola Adeleke

Ademola Adeleke na-azọ ọkwa gọvanọ na pati PDP.
Ọ rụburu ọrụ dịka onye nnọchiteanya Osun-West n'ụlọ omeiwu ukwu Naịjirịa
O sokwa zọọ ọkwa a na 2018 mana Oyetola meriri ya.
Ọ bụ onye Ede, ma nwekwaa nzere mmụta na ngalaba ikpe ziri ezi na Mahadum 'Atlanta Metropolitan State College' nke mba Amerịka.
Ihe o kwuru ọ ga-eme n'ọchịchị bụ ịrụzi okporoụzọ, ụlọọgwụ nakwa iwulite nkọpụta ihe ubi n'Osun steeti.

Yusuf Lasun

Lasun dị afọ iri isii na abụọ ma bụrụ onye otu 'Labour Party'.
Ọ gụrụ akwụkwọ na Mahadum dị n'Ibadan, nakwa Mahadu Obafemi Awolowo nke Ile Ife.
Yusuf rụrụ ọrụ dịka osote onyeisi ụlọ omeiwu nta nke Naịjirịa bido na 2015 ruo 2019.
Nkwa o kwere ma ọ banye n'ọchịchị bụ iwulite ọnọdụ agụmakwụkwọ ma belata ụbịam.

Akin Ogunbiyi

Ogunbiyi bụ onye o ji ego achụ ego nke dị afọ iri ise na itoolu.
Ọ bụ onye Ile-Ogbo, ma nọrọkwa na pati Accord.
Ogunbiyi gụrụ akwụkwọ na Mahadum Obafemi Awolowo nakwa Mahadum Navarra nke mba Barcelona.
O kwekwara nkwa iwulite nkọpụta ihe oriri nakwa ọnọdụ agụmakwụkwọ n'Osun Steeti.

Omigbodun Akinrinola Oyegoke