Ihe Lumumba ji bụrụ onye a na-ekiri ekiri n’Afcon 2025

Ọ bụrụ na ị na-ekiri asọmpi Afcon a na-agba na Moroko, ma jụọ onwe gị sị, "onye bụkwanụ nwoke a?" mara na na ọ bụghị naanị gị na-eche ihe dị etu ahụ.

Onye a bụ Michel Kuka Mbolandiga, a maara dịka Lumumba...

Ya bụ, Patrice Lumumba, bụ Praịm Minista mbụ mba DR Kongo nwere, bụ njirimara nguzosiike nakwa ihe nlereanya n'Afrịka. Ọ bụ nke a mere ụfọdụ ogbe ji aza aha ya n'ebe dị iche iche dịka na Rabat ebe a.

Nke a ị na-ahụ ugbua bụ akpụrụakpụ ya dị na Kinshasa. Ha yiri onwe ha?

Lumumba abụrụla ihe nkiri; njirimara Afcon nke afọ a.

Ọ na-eyi uwe suit nwere ágwá obodo ya ma kwụrụ dịka osisi. Ọ bụ ihe na-atọ rịkpọọ.

Ugbua, ọ bụrụla onye a ma ama, dịka onye niile hụrụ Lumumba n'anya.

Ọ bụladị Akor Adams na-agbara Super Eagles kwụụrụ dịka ya, oge ọ sụnyere okpu goolu nke abụọ n'ịmaaka ndị Naịjirịa na Ọljirịa.

Patrice ọzọ, Onyeisi otu Confederation of African Football bụ Patrice Motsepe chọkwara iso n'ihe a na-eme.

Oge a gbapụrụ mba DR Kongo, Lumumba bere akwa dịka ndị niile na-akwado mba ahụ.

Ma n'agbanyeghị nke ahụ, ihe dị ukwuu mere.

Afrịka chetara otu n'ime ndị bụ odogwu na mpaghara ahụ.

Ọ bụghị naanị ndị bụ ọkaibe ka a na-ebunye iko n'asọmpi Africa Cup of Nations; oge ụfọdụ, ọ na-etutegharị ịgba ndị e tiri n'oge gara aga.