Tuberculosis symptoms: Etu m si rịa ọrịa ụkwaranta afọ iri na anọ na-achọpụtaghị - Janet

Dịka mbaụwa weere ubochị 24 nke ọnwa Maachị afọ ọbụla echeta ọrịa ụkwaranta, Janet Iyiola so na ụfọdụ ndị ji ọṅụ echeta ya bụ ụbọchị.

Janet dara ọrịa a gbagwojuru ya anya n'afọ 2009, ọ gara ụlọọgwụ ma gakwaa ebe ndị ọzọ mana ọ chọpụtaghi ihe na-arịa maọbụ nwete ọgwụgwụ.

Ọrịa a mere ka Janet daa ngwọrọ ma na-enwe ihe mgbu n'ụkwụ nakwa n'ukwu ya.

Ọnọdụ Janet bidoro ịgbanwe mgbe ọ nụrụ ozi n’igwe redio nke na-akọwa njirimara dị iche iche e ji maara ọrịa ụkwaranta a kpọrọ 'tuberculosis' na bekee.

Ọ kpotụụrụ ụlọọrụ na-agbasa ya bụ ozi ma kọọrọ ha etu ahụ si eme ya. Ha gwara ya bịa n'ụlọọgwụ ka ha nyochaa ya ahụ.

Mgbe ọ gara, ha nyochara ya ahụ ma chọpụta na ọ bụ ọrịa ụkwaranta nke na-emetụta ọkpụkpụ azụ ka ọ na-arịa.

Ha bidoro inye ya ọgwụ na-atufughi oge. Dịka otu afọ gachara, Janet agbakewala nke bụ na ọ malitela ịga ije ugbua ma na-emekwa ihe ndị dị iche iche dịka isi nri na ihe ndị ọzọ nke ọrịa a ekweghi ya mee na mbụ.

Onye ọrụ ahụike na-enye Janet ọgwụ bụ Ajayi Oluyinka gwara ndị mmadụ ka ha ejile ọrịa ụkwaranta egwu egwuregwu n'ihi na o nwere ike igbu mmadụ.

Ọ gara n'ihu kwuo na onye nwere njirimaara ọrịa ụkwaranta n'ahụ, biko gbapụ ọsọ gaa n'ụlọọgwụ mee nyocha ma nata ọgwụgwụ.

Kirie ihe a ka ị nụ akụkọ a n'uju;