Ihe ụmụnwoke a ma ama chere maka ụmụnwaanyị na-arụ ahụ ha

Ihe ụmụnwoke a ma ama chere maka ụmụnwaanyị na-arụ ahụ ha
    • Onye dere ya, Michael Ngene na Donald Wogu
    • Ndị mere akụkọ a, Journalist na Video Journalist

N'ụwa anyị nọ n'ime ya taa, ihe gbasara ịchọ mma bụ ihe ụmụnwaanyị ejighị egwu egwu.

Ụfọdụ anaghị eche ego ole ọ ga-eri ha, kama ebe uche ha dị bụ 'ka mma ha chawapụ.

Abịa n'ihe gbasara ịchọ mma, e nwere usoro na ihe dị icheiche mmadụ nwereike ime iji mee ya.

Nke kachasị enwu ewu bụ ihe dị iche iche ụmụnwaanyị na-ete n'ihu nke bekee kpọrọ 'makeup'. Nke a gụnyere ihe a na-ete n'ọnụ, n'ihu, n'anya nakwa ebe ndị ọzọ.

Mana ebe akụkọ a madoro ụkwụ bụ ụmụnwaanyị na-awa ma rụọ ahụ ha iji chọọ mma nke bekee kpọrọ 'cosmetic surgery'.

Cosmetic Surgery dị n'ụdị n'ụdị mana nke kachasị enwu ewu bụ Brazil Butt Lift (BBL).

Nke a bụ ụdịrị ịwa ahụ nke a na-eme iji mee ka ukwu nwaanyị buo ibu.

N'agbanyeghị nnukwu ego e ji eme BBL, ụfọdụ ụmụnwaanyị na-aga n'ihu na-eme BBL iji dọtar uche ụmụnwoke ebe ha nọ.

Mana anyị jụrụ ụfọdụ ụmụnwoke ajụjụ iji chọpụta echiche ha banyere ụmụnwaanyị rụrụ ahụ ha iji chọọ mma.