Champions League: Liverpool eruola agba nke anọ
Ebe foto si, Rex Features
N'asọmpị Champions League ụnyahụ Liverpool meriri Man City ọkpụ abụọ mana ha satara otu.
Liverpool ji mmerị nke a ruo ọkara-ikpeazụ n'asọmpị iko Champions League nke mbụ n'ime afọ iri.
Na mkpakọ akara ha niile, Liverpool meriri Man City ọkpụ ise mana ha satara otu.
Ndị nyere goolu
Ebe foto si, Getty Images
Gabriel Jesus bụ onye nyere goolu nke mbu n'ime nkeji abụọ nke mbụ n'asọmpị a.
Ọ bụ n'ọkara nke abụọ, na nkeji iri ise na isi n'egwuregwu ahụ ka Mohammed Salah bụbụ onye ha na-akpọ onye anwansị nyere goolu nke mbụ nke otu Liverpool.
Roberto Firmino nyere Liverpool goolu nke abụọ na nkeji iri asa n'asatọ.
Liverpool ha nwere ike iburu iko asọmpị Champions League?
Ebe foto si, Getty Images
Mmeri nke a enyeela Liverpool obiisiike na ha nwere ohere iburu iko a.
Ndị ọkachamara n'ihe gbasara bọọlụ ekwuola na ndị na-agba n'ihu n'otu Liverpool nwere ike iyi ndị otu ndị ọzọ fọrụ na Champions league nnukwu egwu.
Ugbua, ọ dịka na Real Madrid na Bayern Munich nwere ike iso Roma na Liverpool n'ime ndị otu ọkpụ abụọ.
