Nnamdi Kanu: A tọghapụ , ọgbaghara na-ada n'ọwụwa anyanwụ ga-ebi- Mbazuliike Amaechi
"Nnamdi Kanu ịpụta, ga-enye aka ikwụsị ọgbaghara ma weta udo n'ala Igbo."
Okwu a si n'ọnụ Mbazulike Amaechi bụbụ minista na-ahụ maka njem ụgbọelu ma bụrụkwa onye nke so wee lụọ ọgu Biafra.
N'ọnụ ya, Nnamdi kanu pụtarana, kwuo okwu ọ ga-adị ka agbasara mmiri n'ọkụ na-enwu ugbua."
Ihe Mbazulike sara maka ntọghapụ Nnamdi Kanu
O kwuru na ndị nta akụkọ jụrụ ya ihe ọ na-eme maka Nnamdi kanu nke ọ sara na ya na ndị otu ya na-ahazi ihe gbasara ntọghapụ Kanu bụ onye ndu Indigenous People of Biafra.
O kwuru na ha na ndị otu gọọmenti etiti na-enwe nzụkọ kwụrụ nzụkọ.
Amaechi gwara BBC Igbo na mparịtaụka ekwenti na ihe ọ chọrọ bụ ka udo wee chia n'ala Igbo.
Lee ka ikpe Nnamdi Kanu nke ikpeazụ a si gaa: Nnamdi Kanu latest news: Ihe dọrọ Kanu iyi uwe isiagụ bịa ụlọikpe
Onye bụ Mbazulike Amaechi?
Mbazulike Amechi bụ otu onye so gbaa mbọ maka nnwereonwe Naịjirịa ebe afọ 1960.
Ọ bụbụ minista na-ahụ maka njem ụgbọelu na Naịjirịa.
O na-ekwukarị na otu Indigenous People of Biafra (Ipob) bụ ndị na-achọ nwereonwe Biafra, selitere isi ugbua n'ihi iwe maka etu ha si hụ ihe na-eme n'obodo Naịjirịa.
Onye bụ Nnamdi Kanu?
Nwannekaenyi "Nnamdi" Kanu chọpụtara otu na-alụ ọgụ nnwereonwe ndị Igbo bụ Indigenous People of Biafra (Ipob) n'afọ 2014.
Otu ahụ chọrọ ka steeti ndị dị na mpaghara Ọwụwa Anyanwụ Naịjirịa kewara ma hibe mba a kpọrọ Biafra.
Nke a abụghị ihe ọhụrụ dịka ndị ọchịchị Igbo n'afọ 1967 kpebiri na a ga-enwe Biafra steeti mana ka alụchara agha nke butere ọnwụ mmadụ ruru otu nde , atụmaatụ ahụ abiaghị na mmezu.
Kanu malitere redio Biafra n'afọ 2009 nke e hibere na London ma na-ezipu ozi nye ndị Igbo bi na Naịjirịa.
Ọ gara mahadum na Naịjiria, (University of Nsukka) tupu ọ gawa London.
Ọ lụọla nwaanyị ma jide ụmụ.
Gịnị bụ Ipob?
Ebe foto si, Getty Images
Ipob pụtara 'Indigenous People of Biafra'.
Ọ bụ otu na-azọ ka mpaghara Ọwụwa Anyanwụ Naịjirịa bụrụ obodo nke aka ya.
Mana gọọmentị Naịjirịa akpọọla ha otu na-eyi ndụ egwu, ma kwuo na o megidere iwu mmadụ isonye n'otu ahụ.
Nnamdi Kanu bụ onye ndu otu Ipob.
