Nwanyiocha: Omenala Igbo na-amasị m nke ukwu

Nwanyiocha bụ onye mba Swizaland lụrụ onye Igbo abụrụla onye ama ama na soshal midia maka ịhụnanya o nwere n'asụsụ Igbo na omenaala Igbo nke o ji akara soshal midia ya akwado.

Ya na di ya bụ onyue Igbo ji ụmụ atọ dịka ha bi na mba Switerland ugbua mana ha na-abịa ala Igbo kwa mgbe kwa mgbe.

Ndị mmadụ kpụ aha Nwaanyị a n'ọnụ ugbua na soshal midia dịka ọtụtụ na-ekwu na onye ahọpụtara ka ọchị n'oche gọvanọ Anambra Steeti na afọ anọ na-abịa abịa bụ Charles Soludo họpụta ya dịka Kọmịshọna na-ahụ maka omenala na ndị njem nleta anya na steeti ahụ.

Ihe mere ndị mmadụ ji akpọ oku ka ahọpụta Nwaanyịọcha dịka kọmịshọna omenaala

Ọtụtụ ndị mgbe ka nwaanyịọcha na-ewepụta foto nakwa onyonyo ebe ọ na-eme ihe niile gbasara omenaal Igbo.

Ọtụtụ mgbe ka ọ na-egosi ebe o na-esiri ụmụ ya ndị ọcha nri Igbo, kpọrọ ha si mba Switzerland ka ha bia ala Naịjirịa bia kirie Mmọnwụ, maọbụrụ kuziere ha egwu Igbo.

O na-etinye ihe ndị a niile na soshal media ya ebe ọtụtụ mmadụ na-ekiri ya.

Na December 2021. ka o tinyere onyonyo ebe a na-agwọrọ ya ede na bee di ya n'Isuofia, Anambra steeti ka ha lọtachara maka emume ekeresimesi.

Lee ihe ndị ọzọ ndị mmadụ na-ekwu banyere nke a:

Dịka ọtụtụ ndị mmadụ nọ na ndọrọndọrọ n'okwu ugbua, kịrịe ihe onyonyo a ka ịhụ ihe Nwanyiocha gwara BBC Igbo n'oge gara aga banyere mmasi o nwere n'ebe omenala Igbo dị na-etụ o si agba mbọ ịhụ na omenala Igbo kwụ chịm na mba ụwa niile.

Ndị mere akụkọ a: Chimamaka Ihenacho