Burina shi ne hada kan Najeriya – Buhari

Rahoto kai-tsaye

Naziru Mikailu, Umar Rayyan and Umar Mikail

1. 12 Yuni 2019Karshe!

   Nan muka kawo karshen karshen labarai da rahotanni kai tsaye game da Ranar Dimokradiyya a Najeriya ta bana. Mun gode.

2. 12 Yuni 2019Za mu ci gaba kamar China da India - Buhari, Ranar Dimokradiyya

   Shugaban Najeriya Muhammadu Buhari ya ce babu abin da zai hana kasar ci gaba kamar kasashen China da India ko Indonesia.

   "Tun da China da India da Indonesia suka ci gaba, to babu abin da zai hana Najeriya ci gaba," a cewar shugaban, wanda aka sake zaba karo na biyu a watan Fabrerun da ya gabata.

   Ya kara da cewa: "Kasashen China da Indonesia sun ci gaba karkashin tsarin mulkin mulukiya yayin da India ta kai gaci a karkashin tsarin demokuradiyya, a don haka muma babu abin da zai hana mu mu kai ga gaci".

   Shugaban na magana ne a ranar bikin murnar demokuradiyya, wacce a karon farko ake tunawa da ita a ranar 12 ga watan Yuni.

   An sauya ranar ne daga 29 ga watan Mayu domin tunawa da kuma rage radadin alhinin soke zaben shugaban kasa na 1993.

   Shugaba Buhari ya kuma sanar da sauya sunan filin wasa na Abuja zuwa Moshood Abiola, mutumin da aka yi imanin cewa shi ne ya lashe zaben na 1993 wanda gwamnatin sojin lokacin ta soke.

   Wannan sanarwa dai ita ce ta fi birge wadanda suka halarci wurin taron idan aka yi la'akari da yadda wurin ya kaure da tafi bayan da ya ayyana hakan.

3. 12 Yuni 2019Manyan baki, Ranar Dimokradiyya

   Teburin manyan baki kenan ciki har da shugaban kasar Rwanda (na farko daga hagu).

4. 12 Yuni 2019Ra'ayoyinku daga Twitter, Ranar Dimokradiyya

5. 12 Yuni 2019Ranar Dimokradiyya

   Karewar jawabin Shugaba Muhammadu na nufin an kawo karshen wannan taro na bikin dimokradiyyar Najeriya 'yar shekara 20 ba tare da katsewa ba.

   Yanzu haka fareti ne sojoji ke yi yayin da su kuma manyan baki ke ficewa daga filin taron.

6. 12 Yuni 2019

   Daga hagu zuwa dama, Aisha Buhari uwar gidan shugaban kasa da Sanata Ahemd Lawan Shugaban Majalsiar Dattawa da Femi Gbajabiamila Kakakin Majalsar Wakilai da Bola Ahmed Tinubu jagoran jam'iyyar APC mai mulki yayin da ake rera taken Najeriya.

7. 12 Yuni 2019Buhari ya gama jawabi, Ranar Dimokradiyya

   Shugaba Buhari ya gama jawabinsa, inda aka yi taken Najeriya.

   Yanzu za a ci gaba da faretin girmamawa ga manyan baki.

8. 12 Yuni 2019Buhari na jawabi, Ranar Dimokradiyya

   "Daga yau na mayar da sunan babban filin wasa na kasa da ke Abuja Moshood Abiola National Stadium" - Buhari

9. 12 Yuni 2019Buhari na jawabi, Ranar Dimokradiyya

   "Wannan gwamnati ba za ta yadda da aikin duk wanda yake so ya tsokani ko yi wa al'adunmu ba'a ba ko kuma ya kawo wa tsaron kasa cikas" - Buhari

10. 12 Yuni 2019Buhari na jawabi, Ranar Dimokradiyya

    "Ina mika godiya ta musamman ga 'yan kasuwa wadanda suka gina wuraren kasuwanci kamar layukan wayar hannu da kuma sauran wurare wadanda suka bai wa matasanmu aikin yi" - Buhari

11. 12 Yuni 2019Buhari na jawabi, Ranar Dimokradiyya

    "A matsayina na shugaban komitin farfado da tafkin Chadi zan jagoranci zama na musamman don kawo karshen matsalolin tsaro a yankin" - Buhari

12. 12 Yuni 2019Buahri na jawabi, Ranar Dimokradiyya

    "Shirye-shiryenmu na habbaka rayuwar 'yan kasa (N-power da ciyar da 'yan makaranta) abin koyi ga sauran kasashen duniya" - Buhari

13. 12 Yuni 2019Buhari na jawabi, Ranar Dimokradiyya

    "Ba mu tsorata da kalubalen da ke gabanmu ba sai dai ma sun kara mana kwarin gwiwa ne" - Buhari

14. 12 Yuni 2019Buhari na jawabi, Ranar Dimokradiyya

    "Bambancin 2015 da 2019 dangane da harkar tsaro shi ne cewa a wannan karo muna yin aiki tare da jam'ian tsaro masu yawa da bayanan sirri da kuma kayan aiki," Buhari ya fada

15. 12 Yuni 2019Buhari na jawabi, Ranar Dimokradiyya

    Shugaba Muhammadu Buhari ya fara gabatar da jawabinsa, wanda dama shi ne babban abin da za a yi a yau.

16. 12 Yuni 2019Ra'ayoyinku daga Facebook, Ranar Dimokradiyya

17. 12 Yuni 2019BBC Hausa Facebook

    Za ku iya garzayawa shafinmu na BBC Hausa Facebook don kallon bidiyon wainar da ake toyawa kai-tsaye a dandalin Eagle Square wato inda ake bikin cika shekara 20 da komawa tafarkin dimokradiyya a Najeriya ranar Laraba.

18. 12 Yuni 2019An fara fareti

    An fara fareti a dandalin Eagle Square bayan isowar Shugaba Buhari.

19. 12 Yuni 2019Ra'ayoyinku daga Twitter, Ranar Dimokradiyya

20. 12 Yuni 2019Shugaba Buhari lokacin da yake kewaye Eagle Square

    Shugaba Buhari lokacin da yake kewaye dandalin Eagle Square.