Yadda aka yi jana'izar Shehu Shagari

Rahoto kai-tsaye

Awwal Ahmad Janyau and Haruna Shehu Tangaza

1. 29 Disamba 2018Allah Ya jikan Shehu Shagari

   A nan muka kawo karshen bayanai kai-tsaye da muke kawo maku game da jana'izar tsohon shugaban Najeriya Alhaji Shehu Aliyu Shagari wanda ya rasu a ranar Juma'a 28 ga watan Disamban 2018.

   An binne shi ne a mahaifarsa garin Shagari a jihar Sakkwato.

2. 29 Disamba 2018Kalli bidiyon kabarin Shehu Shagari

   Mutane da dama ne ke zuwa suna wa kabarin tsohon shugaban na Najeriya addu'a.

3. 29 Disamba 2018Yadda gidan Shagari ya cika da mutane

   Gidan marigayin a garin Shagari ya cika makil da mutane da ke zuwa gaisuwar ta'aziya.

4. 29 Disamba 2018Sakon da muka samu

5. 29 Disamba 2018Sakon da muka samu

6. 29 Disamba 2018Inda aka binne Shehu Shagari

   An binne gawar tsohon shugaban na Najeriya a mahaifarsa garin Shagari a jihar Sakkwato bayan ya rasu a ranar juma'a 28 ga watan Disamban 2018 a asibitin kasa a Abuja.

7. 29 Disamba 2018Bidiyon yadda aka yi wa Shagari Sallar Jana'iza

   An fara sallar jana’izarsa ne da misalin karfe uku na rana a gidansa da ke Shagari.

   Dubban masu alhini ni ne daga sassa daban-daban suka yi wa gawar addu’a a yayin sallar ta tsawon mintuna biyu.

   Daga cikinsu akwai tawagar gwamnatin kasar wadda ta kunshi ministoci da kuma sakataren gwamnatin kasar Boss Mustapha wanda ya jagorance ta.

   Haka ma gwamnonin Sakkwato da Kebbi da kuma Zamfara na daga cikin wadanda suka halarci jana’izar.

   Daga nan aka dauki gawar domin binne ta a wani kabari da aka haka a wani bangare na katafaren gidansa a yayin ‘ya’ya da jikokin da makusanta ke sharbar hawaye.

   Lokaci ne dai mai sosa rai ga wanda ya gani.

   Bayan da aka kammala binne gawar tsohon shugaban wata tawagar sojojin kasar ta zagaye kabarin domin yi bankwanan ban-girma. Sun yi harbi sau ukku a sama zagaye da kabari tsohon shugaban wanda ya shugabanci kasar a shekarun 70-80.

8. 29 Disamba 2018Kalli bidiyon yadda aka shiga da gawar Shagari

   Yadda aka shiga da gawar marigayi Shehu Shagari domin sallar Jana'iza a mahaifarsa da ke Shagari

9. 29 Disamba 2018Yadda aka yi wa gawar Shagari sallar Jana'iza

10. 29 Disamba 2018Sakon da muka samu a Facebook

11. 29 Disamba 2018Kalli bidiyon yadda gawar Shagari ta iso Sakkwato, Shehu Shagari ya rasu

12. 29 Disamba 2018An kammala sallar Janaiza

    Ana shirin binne marigayi tsohon shugaban Najeriya Alhaji Shehu Aliyu Shagari a mahaifarsa garin Shagari a Sakkwato

13. 29 Disamba 2018Yadda mutane suka cika gidan Marigayi Shagari

14. 29 Disamba 2018Sakon da muka samu daga Facebook

15. 29 Disamba 2018Sakon da muka samu a Facebook

16. 29 Disamba 2018Gawar Shagari ta isa mahaifarsa garin Shagari

    Daruruwan mutane ne suka taru suna jiran isowar gawar tsohon shugaban Najeriya Shehu Shagari domin yi ma sa Sallar Jana'iza a mahaifarsa garin Shagari.

17. 29 Disamba 2018Sarautar Turakin Sakkwato, Shehu Shagari ya rasu

    Wani matsayi da Alhaji Shehu Shagari ya rike har karshen rayuwarsa shi ne na Turakin Sakkwato.

    Babban wakili ne a majalisar koli ta fadar Mai martaba sarkin Musulmi .

    Tun a shekarar 1962 ne aka ba shi wannan mukamin wanda kuma ya rike har ranar da ya koma ga mahaliccinsa.

    Malam Bello N. Junaidu, shugaban cibiyar bincike da adana tarihin daular Sakkwato ya yi wa Haruna Shehu Tangaza Karin bayani game da sarautarsa ta Turaki da kuma irin gudummuwar da ya bayar ga ci gaban masarautar ta Sarkin musulmi:

    Ya ce an ba shi sarautar ne a matsayin jagoran ilimi, kuma garkuwa ga ilimi a masarautar Sarkin Musulmi.

    Sannan ya ce Turakin Sakkwato Alhaji Shehu Shagari ya bayar da gudunmuwa wajen bunkasa ilimi a lardin Sakkwato inda ya hada kan 'yan boko da kuma tabbatar da mutane sun tura 'ya'yansu zuwa makaranta

18. 29 Disamba 2018An tafi da gawar tsohon shugaban zuwa mahaifarsa Shagari

    Bayan isowar gawar marigayin tsohon shugaban Najeriya daga nan an saka ta cikin wata mota mallakar rundunar sojin sama ta kasar inda ba da bata wani lokaci ba ta zarce zuwa garinsu na Shagari inda za a yi masa jana’iza.

19. 29 Disamba 2018Gwamna Tambuwal ne ya jagoranci karbar gawar

    Gwamnan jihar Aminu waziri Tambuwal ne ya jagoranci sauran fitattun mutane a jihar da kuma iyalan marigayin wajen karbarta daga sojojin kasar a filin jirgin sama na Sultan Abubakar III.

20. 29 Disamba 2018Yadda gawar Shagari ta isa Sakkwato

    Gawar ta iso da karfe daya na ranar Asabar cikin wani jirgi mallakar gwamnatin kasar mai lamba 5N FGZ.

    e