Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Wannan shafi ne da zai ke kawo muku bayanai kan wasan Aljeriya da Najeriya zagayen kwata fainals a gasar kofin nahiyar Afirka ta 2025 da ake yi a Moroko.
Mohammed Abdu
Nan na kawo karshen shirin da fatan za ku tara nan gaba kan sharhi da bayanai da muke kawo muku kai tsaye a gasar kofin Afirka daga Morocco.
Da karfe 8:00 na dare daidai da agogon Najeriya da Niger za a fara wasan Masar da Ivory Coast mai rike da kofin.
Sunana Mohammed Abdu Mamman Skipper nake ce muku sai anjimanku.
Tawagar Najeriya ta kai zagayen daf da karshe a Afcon, bayan da ta doke Aljeriya 2-0 a wasan kwata fainal ranar Asabar a Morocco.
Super Eagles ta ci ƙwallon ta hannun Victor Osimhen da kuma ta hannun Akor.
Karo na biyu a jere da ƙwallo bai shiga ragar Najeriya ba, bayan da ta doke Mozambique 4-0 a zagayen ƴan 16.
Kenan Super Eagles ta zura ƙwallo 14 a raga, inda huɗu ne suka shiga ragarta.
Ranar Laraba Nageriya za ta kara da mai masaukin baki Morocco, wadda ta fitar da Kamaru ranar Juma'a.
Idan anjima za a buga wasan kwata fainal na karshe tsakanin Masar da Ivory Coast.
Duk wadda ta yi nasara a fafatawar za ta fuskanci Senegal a daf da karshe ranar Laraba.
Ita dai Senegal ta kai daf da karshe sakamakon nasara a kan Mali ranar Juma'a.
Moses Simon na Najeriya ya karɓi katin gargaɗi, saboda ketar da ya yi.
Ɗan wasan Najeriya Raphael Onyedika daga Najeriya ya yi keta.
Farès Chaïbi ya samu bugun tazara, bayan da aka yi masa keta.
An yi wa Victor Osimhen na Najeriya keta daf da wajen jifa a gidan Aljeriya.
Najeriya ta saka Igoh Ogbu ya maye gurbin Bright Osayi-Samuel.
Redouane Berkane na Aljeriya ya yi laifi.
Alex Iwobi na Najeriya ya samu bugun tazara daga tsakiyar fili.
An yi karin minti shida daga nan idan Aljeriya ba ta farke ba sai a tashi wasan.
An bai wa ɗan wasan Najeriya, Stanley Nwabali katin gargaɗi.
Ramy Bensebaini na Aljeriya ya nemi raga da kafar hagu amma ta yi sama da faɗi.
Himad Abdelli ya maye gurbin Hicham Boudaoui.
Redouane Berkane ya maye gurbin Mohammed Amoura.
Baghdad Bounedjah na Aljeriya ya buga ƙwallon da Rafik Belghali ya buga masa, sai dai ta yi yawa.
Akor Adams na Najeriya ne ya saka wa ƙwallon da Bruno Onyemaechi ya bugu masa kai, amma ta yi sama ta fita waje.
Ademola Lookman daga Najeriya ya buga wata kwallon da Moses Simon ya bashi a cikin gidan Aljeriya, amma sun sa kafa sun tare ta.
Raphael Onyedika na Najeriya ya samu bugun tazara daga can baya.
Hicham Boudaoui na Aljeriya ya karɓi katin gargaɗi, sakamakon ketar da ya yi wa Ademola Lookman na Najeriya. Kimanin ƴan wasa biyar daga Aljeriya sun karɓi katin gargaɗi.
Satar gida - ɗan wasan Najeriya, Akor Adams ya yi satar gida.
Ademola Lookman na Najeriya ya samu bugun tazara.
