AFCON 2025: Najeriya 2-1 Tanzaniya

Rahoto kai-tsaye

Haruna Kakangi, Ibrahim Mohammed, Isiyaku Muhammed

1. 23 Disamba 2025Najeriya ta yi nasara a wasan farko

   

   Asalin hoton, Getty Images

   Mun gode ƙwarai da kuka kasance tare da mu yayin da Najeriya da Tanzaniya suka buga wasansu na farko a gasar cin kofin Afirka ta 2025 a ƙasar Moroko, inda Najeriya ta yi nasara.

   Najeriya za ta yi wasanta na biyu da ƙasar Tunisiya a birnin Fes ranar Asabar da yamma.

   Ita kuma Tanzaniya za ta yi karawa ta biyu da Uganda a birnin Rabat a ranar ta Asabar da yamma.

   Za ku iya karanta bayanai kan gasar cin kofin Afirka a shafinmu na bbchausa.com da kuma shafukanmu na sada zumunta.

   Ku shiga zaurenmu na WhatsApp domin samun bayanai da ɗumi-ɗumi kan AFCON da ma sauran abubuwan da ke faruwa a doron duniya.

2. 23 Disamba 2025Magoya bayan Najeriya bayan an tashi wasa

   

   Magoya bayan Najeriya na murmushi har kunne bayan nasarar da Super Eagles ta yi kan Tanzaniya a wasanta na farko a gasar AFCON 2025 a Moroko.

   

   

   

   

3. 23 Disamba 2025

   A yanzu kenan Najeriya ta lashe 14 daga cikin wasa 21 na farko da ta buga a gasar cin kofin Afirka (AFCON).

   Ta yi canjaras a 2 sannan ta yi rashin nasara a 5.

   A yanzu Najeriya ta zura jimillar ƙwallaye 148 a gasar.

4. 23 Disamba 2025, Najeriya 2-1 Tanzaniya

   Ɗan wasan baya na Najeriya Semi Ajayi, wanda ya zura ƙwallon farko da kai, shi ne aka bai wa kyautar ɗan wasa mafi ƙwazo a karawar.

   Ɗan wasan na baya na Najeriya ya taka muhimmiyar rawa.

5. 23 Disamba 2025AN TASHI WASA, Najeriya 2-1 Tanzaniya

   

   Asalin hoton, Getty Images

   Najeriya ta kammala wasan farko na gasar kofin Afirka ta 2025 da nasara bayan doke Tanzaniya da ci 2-1 bayan an yi mummunan artabu.

6. 23 Disamba 2025ƘARIN LOKACI, Najeriya 2-1 Tanzaniya

   An ƙara minti uku bayan cikar lokaci.

   Ko za a samu sauyi?

   A jiya an ci ƙwallo uku a wasa biyu a minti na 90 waɗanda suka tantance sakamakon wasannin.

7. 23 Disamba 2025Saura ƙiris Tanzania ta farke

   A daidai minti 85 Tanzania ta samu wata babbar damar farkewa, amma ɗan wasan gabanta ya ɓarar, inda ya harba ƙwallon ta yi waje.

8. 23 Disamba 2025An canja Osimhen

   Kocin Najeriya ya canja Osimhen, inda ya maye gurbinsa da Paul Onuachu.

9. 23 Disamba 2025Ƴan Moroko na son Osimhen, Isaiah Akinremi

   

   Asalin hoton, Getty Images

   Masoya ƙwallon ƙafa ƴan Moroko, wasunsu sanye da hulunan bukukuwan kirsimeti na ta kiran sunan Osimhen.

10. 23 Disamba 2025Ƴan Najeriya sun ruɗa fili da bushe-bushe, Isaiah Akinremi

    Za a iya jin ƙarar bushe-bushe da kaɗe-kaɗe daga magoya bayan Najeriya waɗanda ke sanye da rigunan Najeriya masu launin shuɗi.

    Sun ruɗa fili da bushe-bushe musamman bayan da Lookman ya zura ƙwallo ta biyu.

11. 23 Disamba 2025ƘIRIS!, Najeriya 2-1 Tanzaniya

    Ademola Lookman ya yi wani juyin masa a kusa da ragar Tanzaniya cikin minti na 67 sannan ya buga wani shot amma ba ta shiga ba.

12. 23 Disamba 2025Najeriya ta sauya ƴan wasa biyu, Najeriya 2-1 Tanzaniya

    Najeriya ta cire ƴan wasa Akor Adams da Samuel Chukwueze, inda ta maye gurbinsu da Moses Simon da Fisayo Dele-Bashiru.

13. 23 Disamba 2025Idan Najeriya na so ta yi nasara dole ta zage damtse - Oliseh, Najeriya 2-1 Tanzaniya

    Idan har Najeriya na so ta yi nasara a wannan wasan to tana buƙatar ta nuna wa Tanzaniya fin ƙarfi ta hanyar ƙwace ƙwallo daga ƙafar ƴan Tanzaniya.

    "Idan kana kan gaba a wasa, kamata ya yi ka ƙara matsa ƙaimi ka nuna wa abokin hamayyarka cewa kana so ne ka ƙara cin ƙwallo," in ji Oliseh.

    A halin yanzu ƴan wasan Tanzaniya na ci gaba da tattaɓa ƙwallo.

14. 23 Disamba 2025Goaaaaal!!.... Najeriya ta zura ƙwallo ta biyu, Najeriya 2-1 Tanzaniya

    

    Asalin hoton, Getty Images

    Najeriya ta mayar da martani nan take, inda Ademola Lookman ya zura ƙwallo mai ƙayatarwa.

    Hakan na zuwa ne kimanin minti biyu bayan Tanzaniyaa ta farke.

15. 23 Disamba 2025Goaaaal! Tanzaniya ta farke, Najeriya 1-1 Tanzaniya

    Tanzania ta farke a minti 48.

    Tanzaniya ta ci ƙwallo mai kyau bayan tattaɓa ƙwallo dama da hagu kafin jefa ta a raga.

16. 23 Disamba 2025Goall.... amma kash!

    Osimhen ya zura ƙwallo ta biyu bayan Adams ya jefa masa ƙwallo daga nesa, amma lafari ya ce akwai satar gida.

    Lafari ya duba VAR, a ƙarshe ya ce tabbas akwai satar gida saboda haka babu ci.

17. 23 Disamba 2025An dawo hutun rabin Lokaci, Najeriya 1-0 Tanzaniya

18. 23 Disamba 2025An tafi hutun rabin lokaci, Najeriya 1-0 Tanzaniya

    Ƙwallon da ɗan wasan Najeriya Samuel Ajayi ya zura a ragar Tanzaniya ita ce ta raba gardama a wannan wasa kafin zuwa hutun rabin lokaci.

    Amma tabbas ba ƙaramin ƙoƙari golan Tanzaniya Zuberi Foda ya yi ba lokacin da ya tare ƙwallo gab da hura usur na zuwa hutun rabin lokaci.

19. 23 Disamba 2025, Najeriya 1-0 Tanzaniya

    An ƙara minti ɗaya kafin a tashi hutun rabin lokaci a wannan wasa mai ƙayatarwa.

20. 23 Disamba 2025Saura ƙiris, amma kash!

    A gab da tafiya hutun rabin lokaci ne Ndidi ya yi duma daga nesa, inda golan Tanzania ya yi amai, ta faɗo hannun Chukweze, amma kash! ya ɓarar.