Kalli yadda aka yi wa ɗalibi dukan kawo wuƙa saboda cin burodi fiye da kima

An yi wa Caleb Mwangi dukan kawo wuka a makarantarsu da ke Kenya bayan ya ɗebi abinci fiye da kasonsa a lokacin karin kumallo, har sai da ya yi dogon suma, kuma ya shafe kwana 11 a gadon asibiti.

"Lokacin da na isa wurin, ba zai iya sauka daga gadonsa ba, ba ya iya magana," mahaifinsa Fred Mwangi ya shaida wa BBC.