...Daga Bakin Mai Ita tare da Gaye na shirin Dadin Kowa

Filin Daga Bakin Mai Ita na makon nan, ya tattauna da Abdurrahman Usman, ko kuma Gaye a fitaccen shirin talbijin ɗin Daɗin Kowa na tashar Arewa24.

Jarumin dai wanda aka haifa a garin Dadin Kowa na jihar Filato, ya ce ya yi karatun difloma a fannin kwamfuta, kuma yana da difloma a kan shirye-shiryen fim da na talbijin.

Gaye ya shaida wa BBC cewa a yanzu haka yana karatun digiri a Jami'ar Bayero Kano.