'Jami'anmu 35,000 ne za su ba da tsaro yayin zaɓen gwamnan Edo'

Rundunar 'yansandan Najeriya reshen jihar Edo ta ce a shirye take tsaf domin ba da tsaro a zaɓen gwamnan da za a yi a jihar ranar Asabar.

Mai magana da yawun rundunar, Moses J. Yamu, ya faɗa wa BBC cewa aƙalla jami'ansu 35,000 ne za su yi aikin gudanar da taro a ranar.

A gobe Asabar ne ake sa ran sama da mutum miliyan biyu da ke da katin zaɓe za su kaɗa ƙuri'ar zaɓen gwamna a jihar da ke kudu maso kudancin Najeriya.

Jihar Edo na da ƙananan hukumomi 18 da rumfunan zaɓe 4,519.