...Daga Bakin Mai Ita tare da Maryam ta shirin 'Labarina'

A cikin shirin Daga Bakin Mai Ita na wannan mako mun kawo muku tattaunawa da Fatima Hussain, wadda aka fi sani da Maryam a Labarina.

Fatima wadda tauraruwarta ta fara haske bayan fitowa a cikin shiri mai dogon zango na Labarina, ta kasance cikin masu yawan tayar da ƙura a arewacin Najeriya sanadiyyar wasu kalamanta.

Ƴar asalin jihar Kaduna, Fatima ta yi ƙarin haske kan rawar da take takawa a masana'antar Kannywood da kuma irin mutumin da take ganin za ta iya zama da shi a matsayin miji.

Tace bidiyo: Mohammed Fatawul