'હીનાનો ફોન હતો કે હું વિમાનમાં બેસી ગઈ છું અને પછી...'

અમદાવાદની પ્લેન દુર્ઘટનાને એક મહિના કરતાં વધુ સમય પસાર થઈ ગયો છે, છતાં આ દુર્ઘટનામાં મૃત્યુ પામેલા લોકોના પરિવારજનો માટે આ ઘાવ તાજો જ છે.

આવા જ પરિવારોમાંથી એક ખેડા જિલ્લાનો પટેલ પરિવાર છે. હીનાબહેન પટેલનાં પુત્રી યુકેમાં અભ્યાસ કરતાં હતાં, પરંતુ ત્યાંનું વાતાવરણ માફક ન આવતાં, તેઓ ગુજરાત પરત ફર્યાં હતાં.

હીનાબહેન તેમનાં પુત્રીની ઍડમિશન પ્રક્રિયા માટે ગુજરાત આવ્યાં હતાં. તેઓ તા. 12 જૂનની એ ફ્લાઇટમાં અમદાવાદથી ગૅટવિક જવા નીકળ્યાં હતાં, ત્યારે વિમાનને અકસ્માત નડ્યો હતો.

હીના બહેનના પતિ સૌરભભાઈએ 12મી જૂનના એ દિવસની વાતો જણાવી.

બીબીસી માટે કલેક્ટિવ ન્યૂઝરૂમનું પ્રકાશન