 | | | Abasirikare ba Uganda mu bikorwa vyo guhagararira amahoro |
Uganda ngo izokura abasirikare bayo mu bikorwa vya ONU, raporo yayo ku bwicanyi muri Kongo niyayishinja kuba yaragandaguye Abahutu. Uganda ivuga yuko raporo ya ONU izosohoka ejo ku mahano yakorewe impunzi z'Abahutu muri Kongo, ngo yakozwe igamije gucafuza ibihugu vyo mu karere. Umuvugizi w'igisirikare ca Uganda, Lt Col Felix Kurayigye, yabariye BBC ko iyo raporo niyasohoka, Uganda izotahukana abasirikare bari mu bikorwa vya ONU muri Cote d'Ivoire, Sierra Leone na Sudani. Raport ya ONU ku bwicanyi bwakorewe impunzi z'Abahutu muri Kongo mu myaka ya za 90, ishinja ibihugu birimwo u Rwanda, u Burundi na Uganda kuba vyarabigizemwo uruhara. Integuro y'iyo raporo ikija ahabona rwihishwa, u Rwanda nico gihugu ca mbere cavuze ko kigiye gukura abasirikare baco mu bikorwa vya ONU, ariko caciye cisubirako. | 
Urukiko rwa Johannesburg rwangiye Kanyandekwe kuburana ari hanze.
