IKIBIRIRAHO, Rwanda: Ibicuruzwa byahiriye mu isoko rya GOICO bifite agaciro ka miliyari 30 FRW – Guverineri

Amakuru y'ikibiriraho

Didier Bikorimana

1. Iminota 44 irahezeSahwanya – FRODEBU y''Incungu ya Demokarasi' ivuga ko nta mukandida izatanga mu matora ya perezida yo mu 2027

   Ishyaka Sahwanya – FRODEBU ritavuga rumwe n'ubutegetsi mu Burundi rivuga ko nta mukandida rizatanga mu matora ya perezida yo mu 2027, kubera inenge nyinshi rivuga ko ziri mu myiteguro yayo zituma nta ho azatandukanira n'ayayabanjiriye yo mu 2025.

   Ayo matora yo mu mwaka ushize y'abadepite, abasenateri, abakuru b'uturere (ama komine) n'imirenge (imitumba) cyangwa imirenge yo mu mijyi (ama kartiye), yatsinzwe n'ishyaka CNDD – FDD rya Perezida Évariste Ndayishimiye ku majwi hafi 100%. Ubu mu mitwe yombi y'inteko ishingamategeko nta shyaka rindi rifitemo abarihagarariye.

   Inkuru irambuye hano

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   CNDD–FDD yatoreye Ndayishimiye kuzayibera umukandida mu matora, ati 'Mbemereye gukomeza ikivi'

   Amatora mu Burundi: CENI iti 'yagenze neza', CNL nayo iti 'yaranzwe n'utunenge tuyatesha agaciro'

   Burundi: 'Bamwe mu bajejwe intwaro n'umugambwe uri ku butegetsi ntibashaka kubona iyindi migambwe'- CNL

   Demokrasi mu Burundi: Nyuma y'imyaka 30 FRODEBU ivuga ko demokrasi idahagaze neza

2. Haciye amasaha 3ONU ivuga ko abantu 139 barimo n'abana bapfuye nyuma yuko ubwato burohamye hafi y'inkombe ya Djibouti

   Ibiro by’Umuryango w’Abibumbye bishinzwe abimukira (IOM) bivuga ko abimukira nibura 139 barimo n'abana 15 bapfuye naho abandi babarirwa muri za mirongo baracyaburiwe irengero, nyuma yuko ubwato bari barimo burohamye hafi y’inkombe ya Djibouti.

   Ubwo bwato bwari burimo kuva muri Djibouti bujya muri Yemen burimo abantu 305, ubwo bwarohamaga mu ijoro ryo ku wa kane ushize, hafi y’umujyi uri ku cyambu wa Obock. IOM yavuze ko abantu bagera kuri 82 batabawe.

   Alexandre Coissac, umukuru w’ibiro bya IOM muri Djibouti, yavuze ko ibyabaye "byibutsa mu buryo bubabaje" ibyago abimukira bahura na byo iyo barimo kujya gushaka ubundi buzima ahandi hantu.

   IOM ivuga ko buri mwaka abimukira babarirwa mu bihumbi za mirongo bo mu karere k’Ihembe ry’Afurika bakora urwo rugendo ruteje akaga cyane, bizeye kugera mu bihugu byo mu Kigobe cy’Abarabu ngo bahabone umutekano n’akazi.

   Ku cyumweru, IOM yasubiyemo umubare yari yatangaje mbere w’abantu 109 bapfuye, nyuma yuko habonetse indi mirambo 30.

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   Perezida wa Djibouti yatsindiye manda ya gatandatu itari yarigeze ibaho ku majwi 97.8%

   Menya igituma Ubufaransa busigaranye ikigo kimwe gusa ca gisirikare muri Afrika

3. Haciye amasaha 4Rwanda: Ibicuruzwa byahiriye mu isoko rya GOICO bifite agaciro ka miliyari 30 FRW – Guverineri

   Guverineri w’intara y’amajyaruguru y’u Rwanda avuga ko imibare y’ibanze igaragaza ko ibicuruzwa byahiriye mu nyubako y’amagorofa ane y’isoko rya GOICO Plaza ku gicamunsi cyo ku wa gatandatu bifite agaciro ka miliyari 30 z’amafaranga y’u Rwanda.

   Mu kiganiro n’igitangazamakuru cya leta, Guverineri Maurice Mugabowagahunde yavuze ko iperereza rigikomeje kugira ngo hamenyekane “imibare nyayo” y’ibyangiritse, anavuga ko iyo nyubako ubwayo bigereranywa ko yari ifite agaciro ka miliyari 17 FRW.

   Leta y'u Rwanda yijeje "ubufatanye mu gusana iri soko kugira ngo ibikorwa by'ubucuruzi bisubukurwe".

   Kugeza ubu icyeteye iyo nkongi y’umuriro yatwitse iryo soko rinini ryo mu mujyi wa Musanze ntikiramenyekana.

   Guverineri Mugabowagahunde yavuze ko nubwo hari ibyangiritse, yishimira ko nta muntu wapfiriye muri iyo nkongi no kuba igice cyo hasi cy’iryo soko kitarahiye.

   Yihanganishije imiryango y’abantu 17 bagiye kwa muganga, barimo babiri bakomerekeye muri uwo muriro, n’abandi 15 bahuye n’ibibazo by’ihungabana. Yavuze ko kuri ubu abo bose “bameze neza”, abantu babiri bakaba ari bo basigaye mu bitaro.

   Uwo Guverineri w’intara y’amajyaruguru yavuze ko iperereza rikomeje kugira ngo hamenyekane icyateye iyo nkongi, rikaba ririmo gukorwa ku bufatanye bw’urwego rw’ubugenzacyaha, ikigo cy’igihugu gishinzwe imiturire, minisiteri y’ibikorwa-remezo hamwe n’urugaga rw’aba enjeniyeri (ingénieurs) mu bwubatsi mu Rwanda.

   Inkongi zangiza byinshi zikunze kubaho mu Rwanda, akenshi zikegekwa ku myubakire irimo inenge no ku bibazo bifitanye isano n'amashanyarazi.

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   Rwanda: 'Uko ubireba, nta kintu twakuyemo' – Ndoriyobijya wacururizaga mu isoko rya Gisozi ryahiye

   Rwanda: "Betting yantwaye moto ebyiri n'ikibanza" – Karangwa Vedaste

   Umuganga yagirizwa ivyaha bijanye na jenoside yabaye mu Rwanda mu 1994 agiye kuburanishwa mu Bwongereza

4. Haciye amasaha 4Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.