Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Malawi yatsinze Uganda ibona itike ya AFCON 2021
Malawi yatsinze Uganda igitego 1 - 0 mu mukino wa nyuma wo mu itsinda B wo gushaka itike yo gukina imikino ya nyuma y'igikombe cy'Afurika cy'ibihugu (CAN/AFCON) ya 2021, bituma ibona itike naho Imisambi ya Uganda irasezererwa.
Ibyavuye muri uwo mukino byiyongereye ku kwitwara nabi muri rusange kwaranze ibihugu byo muri Afurika y'uburasirazuba muri iyi mikino yo gushaka itike ya CAN, mu gihe Kenya na Tanzania nabyo byabuze itike yo kuyitabira.
Mu mukino wabereye mu mujyi wa Blantyre muri Malawi, Uganda yasabwaga kunganya gusa ngo ibone itike, ariko itsindwa ku gitego cya Richard Mbulu cyabonetse ku munota wa 15 w'umukino.
Ubu Malawi iri mu byishimo byo kuba izitabira imikino ya nyuma y'igikombe cya CAN izabera muri Cameroon mu 2022. Ni inshuro ya gatatu gusa Malawi itsindiye kwitabira iyi mikino.
Malawi yaherukaga mu mikino ya nyuma ya CAN mu 2010 no mu 1984.
