Uriko ubona ku rubuga aherekana amakuru mu nyandiko gusa, hakoresha uburyo buke. Ja ku rubuga nyamukuru ubone amakuru mu nyandiko iherekejwe n'amasanamu.
Njana ku rubuga nyamukuru canke aho gusoma gusa
Ibindi vyerekeye ingene urwo rubuga rugutwara uburyo (ama mega) buke
Umutoza wa Senegali aravuga ko Sadio Mane ari mu bakinnyi beza cyane ku isi
Umutoza Aliou Cisse w'ikipe y'igihugu ya Senegali aravuga ko Sadio Mane ari umwe mu bakinnyi beza cyane ku isi.
Ni mu gihe kuri uyu wa kabiri Senegali ikina umukino wayo wa mbere na Polonye mu gikombe cy'isi cya 2018 i Moscow mu Burusiya.
Senegali yaherukaga mu gikombe cy'isi mu mwaka wa 2002.
Umutoza Cisse ni we wari kapiteni w'ikipe ya Senegali yageze mu mikino ya kimwe cya kane cy'igikombe cy'isi cyo muri 2002, ubwo mu majonjora yatsindaga Ubufaransa bwari busanganywe icyo gikombe.
Umutoza Cisse yagize ati: "Mane ntasanzwe kandi ntashobora kugereranywa n'undi mukinnyi uwo ari we wese wa Senegali. Ashobora guhindura umukino".
Yongeyeho ati: "Ni umukinnyi rwose udasanzwe kuko udashobora kumenya ngo araza gukina gutya na gutya. Ibyo rero bituma aba umukinnyi w'igihangange".
Sadio w'imyaka 26 y'amavuko amaze gutsindira Liverpool ibitego 33 mu myaka ibiri y'imikino ayimazemo - ikipe yagezemo aguzwe miliyoni 34 z'amapawundi ava mu ikipe ya Southampton.
