Ihiganwa mpuzamakungu rya Judo rizosozerwa ejo mu Burundi

Inyandiko gusa
Ibihugu 19 vyo muri Afrika nivyo bihiganwa muri Judo mu Burundi
Insiguro y'isanamu, Ibihugu 19 vyo muri Afrika nivyo bihiganwa muri Judo mu Burundi

Ibihugu 19 vyo muri Afrika kuva kuri uno wa kane nivyo vyari vyitezwe mu Burundi mw'ihiganwa ry'umukino wa Judo ry'iminsi itatu mu gisagara ca Bujumbura.

Ihiganwa rihuza urwaruka rufise imyaka iri musi ya 20, hakaba hari aba judokas 200 harimwo abigeme 96.

Inkino za mbere zatanguye imbere y'umutaga w'ejo kuwa kane gushika isaha zitandatu.

Ejo kuwa gatandatu niho hazoba inkino za nyuma
Insiguro y'isanamu, Ejo kuwa gatandatu niho hazoba inkino za nyuma

Baciye baja mu karuhuko mu kurindira ibikorwa vyo kwugurura icese izo nkino vyabaye igihe c'isaha 10 z'umugoroba.

Ibihigu vyitavye ni:Burundi, Kenya, RDC, Gabon, Algérie, Egypte, Maroc, Tunisie, Afrika y'epfo, Zambie, Cote d'Ivoire, Djibouti, Madagascar, Gambie, Sénégal, Zimbabwe, Mozambique.

Ihiganwa ririmwo aba judoka 200, barimwo abakobwa 96
Insiguro y'isanamu, Ihiganwa ririmwo aba judoka 200, barimwo abakobwa 96

Ariko igihugu kibanyi c'u Rwanda coco nticarungitse abagiserukira mu iri higanwa.

Inkino zanyuma bita final zizoba ku munsi wa gatandatu ari naho hazomenyekana ibihugu vyarushije ibindi.