Tour du Rwanda: Gusiganwa ku makinga kwo mu 2017 kwaratanguye

Inyandiko gusa
Umunya Rwanda Jean Bosco Nsengimana ni rurangiranwa mu gusigana ku makinga, niwe yegukanye intsinzi mu 2015
Insiguro y'isanamu, Umunya Rwanda Jean Bosco Nsengimana ni rurangiranwa mu gusigana ku makinga, niwe yegukanye intsinzi mu 2015

Ku munsi wa Mungu, niho ihiganwa mpuzamakungu ry'icenda "Tour du Rwanda" ryatangura, umwe mu baserukiye igihugu c'u Rwanda, Jean Bosco Nsengimana akaba ariwe abanyagihugu bashizeko icizere mu kuba yaryegukanye mu 2015.

Kur'uwo munsi abahiganwa barakoze ihiganwa ry'intangamarara ry'ibirometero 3.5, uwo Jean Bosco Nsengimana aba ariwe atsinda ku minota 3, amasegonda 46 na tiyereses 06, nkuko ikinyamakuru New Times c'u Rwanda kivuga.

Imigwi iserukira u Rwanda ni "Team Rwanda", "Benediction Club" y'i Rubavu hamwe na "Amis Sportifs" y'i Rwamagana.

Uretse iyo migwi yo mu gihugu hagati, hari n'iyindi yaje iva hanze, nk'abo mun gihugu ca Eritréa, abo muri Slovaquie hamwe n'abo muri Algeria.

Abaje baserukira igihugu ca Eritréa
Insiguro y'isanamu, Abaje baserukira igihugu ca Eritréa
Umugwi wa Slovakiya
Insiguro y'isanamu, Umugwi wa Slovakiya
Abaserukiye Algeria
Insiguro y'isanamu, Abaserukiye Algeria

Iyo misore isiganwa ku makinga itegekanya muri rino higanwa rya 2017 itegerezwa kwiruka ibirometero 819, bakazoshika mu ntara zose zine z'igihugu hamwe no mu mugwa mukuru Kigali.