Kuki Israel ihitamo guceceka mu gihe Trump agaragaza gushaka guhirika ubutegetsi bwa Iran?

Abategetsi ba Israel bahisemo guceceka mu buryo butari bwigere bubaho mu gihe hari impungenge z'uko Amerika ishobora gutera Iran mu gihe ubu yarundanyije ingabo mu Burasirazuba bwo hagati.

Usibye kuvuga ko Abanya-Iran bazakomeza kwigaragambya mu gihe imyigaragambyo yarushijeho gukaza umurego mu byumweru bike bishize, Minisitiri w'Intebe wa Israel, Benjamin Netanyahu, nta kintu na kimwe yigeze avuga ku mugaragaro nyuma yaho Trump yiyemeje kwinjiza ingabo muri Iran.

Danny Sitrinovich, umaze igihe kirekire mu gisirikare cya Israel, ubu akaba ari umushakashatsi mukuru kuri Iran mu kigo cy'ubushakashatsi ku by'umutekano cya Israel, avuga ko kwimukira kwa Trump mu Burasirazuba bwo Hagati ari amahirwe akomeye kuri Netanyahu.

Yagize ati: "Guceceka kwe mu gihe Amerika ifite imbaraga nyinshi mu kigobe cy'Abarabu kandi Trump ari hafi kugaba ibitero kuri Iran, ni amahirwe akomeye kuri Netanyahu."

Asaph Cohen, wahoze ari umutegetsi mukuru mu by'umutekano muri Israel, avuga kuri Israel yahisemo guceceka yagize ati: "Abategetsi ba Israel bizera ko tugomba kureka Amerika ikayobora iki cyiciro kuko ifite imbaraga, ifite igisirikare gikomeye kandi yemerwa ku isi."

Netanyahu avuga ko Iran ari yo ntandaro ikomeye y'umutekano muke wa Israel kandi ko ari yo soko y'imvururu mu Burasirazuba bwo Hagati. Guceceka kwe ntibivuze ko atigeze agirana ibiganiro na mugenzi Trump.

Mu cyumweru gishize, umugaba mukuru w'ingabo za Israel, Shiloh Bindar, yagiye i Washington kubonana n'inzego z'umutekano za Amerika.

Ibitangazamakuru byo muri Israel byatangaje ko intego nyamukuru y'ibyo biganiro bizibanda ku ngamba ziri muri Iran zigomba kugaba ibitero mu gihe habaye igitero.

Danny Citrinovich avuga ko Netanyahu asaba Trump, nubwo bitaramenyekana neza ko Amerika izagaba igitero gikomeye gishobora guhirika ubutegetsi bwa Iran.

Ubwo imyigaragambyo yatangiraga muri Iran mu byumweru bishize, Netanyahu yasabye Trump kudakora igitero, nubwo Trump yabishakaga. Danny Citrinovich avuga ko impamvu ari uko yamenye ko igitero cyateguwe na Amerika ari gito kandi ko kitazagira ingaruka zikomeye kuri guverinoma ya Iran.

Trump ubu ariga ku buryo butandukanye bwo guhangana na Iran: igitero gito cyangwa igitero cyuzuye, gishobora guhirika ubutegetsi bwa Iran.

Nubwo ibihugu byinshi, harimo n'inshuti za Amerika, byatangaje impungenge z'uko guhirika ubutegetsi bwa Iran bishobora gushyira mu kaga uburasirazuba bwo hagati, Israel ibona ko ubutegetsi bwa Iran ari cyo kintu gihangayikishije cyane.

Mu gihe ubutegetsi bwa Iran bwatsindwa, Israel izaba ifite impungenge z'uko ubutegetsi bwa Ayatollah buzakora ibisasu bya misile ndetse n'ibisasu bya kirimbuzi.

Ku rundi ruhande, bizamufasha kugabanya intege z'ingabo zirwanya Israel zishyigikiwe na Iran.

Ikigo cy'ubushakashatsi cya Israel Alma kivuga ko Hezbollah yonyine ifite ibisasu bya misile 25,000 n'ibisasu byinshi bya roketi.

Bamwe mu badepite ba Israel bemeza ko gufata ingamba zifatika kuri Iran cyangwa kugirana amasezerano ari ikindi gihangayikishije umutekano wa Israel.

Iran yasubije bikomeye ibitero bya Israel mu ntambara y'iminsi 12 na Israel. Yashoboye kugaba ibitero ku mijyi ya Israel hifashishijwe ibisasu bya misile.

Iran imaze igihe ikora ibisasu bya misile kuva yahangana muntambara na Israel mu mpeshyi y'umwaka ushize.

Mu cyumweru gishize, umwe mu bayobozi bakuru yavuze ko Tel Aviv ishobora kugaba igitero mu buryo bukaze kurushaho kuri Iran.

Netanyahu afite impungenge ko Israel ishobora kwibasirwa n'ibisasu bya misile mu gihe guverinoma ya Iran itahinduka.

Danny Citrinovich yagize ati: "[Netanyahu] yumva ko iyo guverinoma igomba kugwa kugira ngo ibuze [Iran] gukora ibisasu bya misile, ariko guverinoma ya Iran ishobora gutembagazwa gusa ku nkunga ya Amerika."

Asaf Kohen avuga ko igisirikare cya Iran mu mpeshyi ishize cyakoresheje ingufu nyunshi, kandi ibyumweru bishize by'imyigaragambyo byahungabanyije igihugu.

Ati: "Iran ifite intege nke cyane muri iki gihe. Ayo ni amahirwe adasubirwaho [yo kuyirwanya]. Abantu benshi bumva ko igihe cyageze. Ati: "Niba bidakozwe ubu, ntibizigera bibaho."

Abatuye Tel Aviv baracyabana n'ibisigazwa by'inyubako zangijwe n'ibitero bya Iran mu mpeshyi ishize. Umutimanama wabo uzi ko indi ntambara ishobora kwirindwa.

Uyu musore w'imyaka 20 y'amavuko wo mu mujyi wa Tel Aviv yagize ati: "Sintekereza ko abayobozi bacu bazatakaza ayo mahirwe."

"Haba mu gitero cyangwa mu bundi buryo... tugomba gushyiraho uburyo bwo guhirika guverinoma [ya Iran]," niko yavuze.

Ubushakashatsi bwagaragaje ko Abanya-Israel benshi bashyigikiye igitero cya gisirikare kuri Iran.

Ariko hari ugushidikanya ku guhirika ubutegetsi bwa Irani; Kubera ko nta kibazo cy'imbere mu gihugu cyangwa ikibazo gikomeye hagati y'igisirikare n'abashyigikiye Ayatollah cyaba gihangayikishijwe n'isenyuka rya guverinoma.

Ntibiramenyekana uwasimbura leta ya Iran mu gihe yaba ihiritswe ku butegetsi.

Hagati aho, Netanyahu arashaka gukora ibishoboka byose kugira ngo atsindire abamushyigikiye mu matora y'uyu mwaka. Kwica Ayatollah Khamenei, umutegetsi w'ikirenga wa Irani abibona nk'icyamufasha gutsinda.

Danny Sitirinovich, uvuga ko Netanyahu ashaka gukina urusimbi, atitaye ku bizaba nyuma ya Ayatollah.

"Netanyahu ntiyitaye ku byaba nyuma y'urupfu rwa Ayatollah"

Nubwo Amerika na Iran bagaragaje ubushake bwo kugirana ibiganiro, Trump yashyizeho ibisabwa: Iran igomba guhagarika burundu ikorwa ry'ibitwaro bya kirimbuzi, kugabanya ikorwa ry'ibisasu bya misile.

Hagati aho, abategetsi ba Israel bamaganye bivuye inyuma ibiganiro na Iran.

Asaf Kohen yavuze ko Iran na Amerika bifuza ibiganiro, ariko nibatabyemera, nta kabuza Amerika izagaba igitero.

Asaf Cohen yavuze ko hari ibimenyetso byerekana ko Trump azibanda kuri gahunda ya nikleyeri ya Irani aho kwibanda ku bintu byinshi icyarimwe.