Amwe mu mafoto yaranze Afurika muri iki cyumweru: Tariki 28 Nyakanga (7) - 3 Kanama (8) 2023

Inyandiko gusa
Kabaka (bivuze Umwami) Ronald Muwenda Mutebi II ubwo yari atwawe ku bitugu n'abagabo bamwe mu iyimikwa rye ku itariki ya 31 Nyakanga (7) mu 2023 muri Uganda

Ahavuye isanamu, Badru Katumba/AFP

Insiguro y'isanamu, Ku wa mbere, Kabaka (Umwami) Ronald Muwenda Mutebi II yizihije imyaka 30 amaze yimitswe nk'Umwami w'abaturage bo mu bwami bwa Buganda muri Uganda...
Abagabo bavuza ibyuma by'umuziki ku itariki ya 31 Nyakanga (7) mu 2023

Ahavuye isanamu, Badru Katumba/AFP

Insiguro y'isanamu, Mu kwizihiza iyo sabukuru, aba banyamuziki barimo gususurutsa abitabiriye ibirori.
Abakinnyi b'abagore barimo kwishimira intsinzi bafite ibendera

Ahavuye isanamu, Catherine Ivill/Getty Images

Insiguro y'isanamu, Ku wa gatatu, abakinnyi b'ikipe y'umupira w'amaguru y'abagore y'Afurika y'Epfo barimo kwishimira kuba bageze mu cyiciro cyo gukuranamo (knockout) nyuma yo gutsinda Ubutaliyani ibitego 3-2, mu mikino y'igikombe cy'isi cy'abagore muri New Zealand.
Umugabo uri mu cyumba urimo gutunganya ibikoresho birimo n'impapuro

Ahavuye isanamu, Barbara Debout/AFP

Insiguro y'isanamu, Ku cyumweru, uyu mukozi arategura ibiro by'itora byo ku ishuri ryo muri Centrafrique, mbere y'amatora ya kamarampaka (referendum) ku guhindura itegekonshinga, igikorwa kizacira inzira manda ya gatatu ya Perezida Faustin-Archange Touadéra
Abagabo bari mu myigaragambyo bari kuri za moto

Ahavuye isanamu, AFP

Insiguro y'isanamu, Ku wa kane, abigaragambya bashyigikiye agatsiko ka gisirikare kahiritse ubutegetsi bateraniye i Niamey mu murwa mukuru wa Niger. Wari n'umunsi w'ubwigenge bw'icyo gihugu.
Abantu bari mu bwato mu mazi magari

Ahavuye isanamu, Valeria Ferraro/Getty

Insiguro y'isanamu, Ku wa gatatu, abimukira bavuye muri Eritrea na Ethiopia batabawe bari mu bwato budakomeye bwari buri mu kaga, batabarwa n'umuryango utegamiye kuri leta wo muri Espagne, Open Arms, aha bari bari ku nkombe ya Libya.
Abakinnyi babiri b'abagabo bafatiye amabendera hejuru y'imitwe yabo

Ahavuye isanamu, Alexis Huguet/AFP

Insiguro y'isanamu, Ku wa kabiri, Abanya-Cameroun Raymondo Nkwemy Tchomfa (wa kabiri uvuye iburyo) na Appolinaire Yinra (iburyo) barishimira intsinzi yabo ku mukino wa nyuma mu gusimbuka intera ndende mu cyiciro cy'abagabo, mu mikino yo ku nshuro ya cyenda y'ibihugu bivuga Igifaransa, izwi nka Jeux de la Francophonie, aha ni i Kinshasa mu murwa mukuru wa Repubulika ya Demokarasi ya Congo. Tchomfa yabaye uwa gatatu naho Yinra aba uwa mbere.
Umugabo uhagaze ahantu hegutse havugirwa ijambo

Ahavuye isanamu, Guillem Sartorio/AFP

Insiguro y'isanamu, Ku wa gatandatu, i Johannesburg, Julius Malema, umukuru w'ishyaka ritavuga rumwe n'ubutegetsi muri Afurika y'Epfo rya Economic Freedom Fighters (EFF), yizihije isabukuru y'imyaka 10 iryo shyaka rimaze rishinzwe.

Amafoto akoreshwa bitangiwe uruhushya.