Ethiopia: Abantu 1,400 bapfuye bazize inzara nyuma yuko imfashanyo ihagaritswe – umutegetsi

Inyandiko gusa
Umugabo urimo gufata imfashanyo ari kumwe n'umwana

Ahavuye isanamu, Getty Images

Insiguro y'isanamu, Abantu hafi miliyoni esheshatu babeshejweho n'imfashanyo muri Tigray
    • Umwanditsi, Girmay Gebru i Mekelle & Mercy Juma i Nairobi
    • Igikorwa, BBC News

Umutegetsi wo mu karere ka Tigray mu majyaruguru ya Ethiopia yabwiye BBC ko abantu nibura 1,400 babuze ibyo kurya kugeza bapfuye kuva imfashanyo y'amahanga yahagarikwa.

Gebrehiwet Gebrezgabher yavuze ko umubare w'abapfuye ushobora kuba ari munini kurushaho.

Ishami ry'umuryango w'abibumbye ryita ku biribwa (PAM/WFP) n'ikigo cy'Amerika gitanga imfashanyo (USaid), mu mezi ashize byahagaritse imfashanyo y'ibiribwa muri ako karere, nyuma yuko muri Mata (4) bitahuwe ko yari irimo kwibwa.

Skip content and continue reading

End of content

Akarere ka Tigray kibasiwe cyane n'ubucye bw'ibiribwa ubwo intambara yadukaga mu kwezi kw'Ugushyingo (11) mu 2020 hagati y'ingabo za leta ya Ethiopia n'umutwe wa TPLF (Tigray People's Liberation Front).

Iyo ntambara yarangiye mu mwaka ushize, binyuze mu masezerano y'amahoro yagizwemo uruhare n'umuryango w'Ubumwe bw'Afurika (AU).

Abantu hafi miliyoni esheshatu babeshejweho n'imfashanyo muri Tigray.

PAM yabwiye BBC ko irimo kwihutisha ibikorwa byo kongera gutanga imfashanyo y'ibiribwa muri Tigray, no gutuma habaho uburyo bukaze bwo kugenzura ko igera ku bayicyeneye cyane kurusha abandi.