Russia mu ma videwo: Raba ingene abarwanyi ba Wagner bava muri Rostov

Insiguro ya video, Ino videwo ivugwa ko yerekana ingene abarwanyi ba Wagner bava mu gisagara ca Rostov-on-Don
Russia mu ma videwo: Raba ingene abarwanyi ba Wagner bava muri Rostov

Ino videwo izunguruka ku mbuga hwaniro ivugwa ko yerekana ingene abarwanyi ba Wagner bava mu gisagara ca Rostov-on-Don.

Umukuru w'uno muhari w'abacangero ni we yabategetse gusubira inyuma mu gihe bariko batera baja ku mugwa mukuru Moscou.

Insiguro ya video, Amashi, impundu n'amasasu mu kirere igihe Wagner wava mu gisagara wari wafashe

Mu gihe abarwanyi ba Wagner bava ku cicaro c'igisirikare c'Uburusiya mu gisagara ca Rostov-on-Don, abanyagihugu bari bashwabadutse mu kwerekana ingene babashigikiye.

Amashusho yerekana abanyagihugu bakoma amashi, batera impundu bongera basezera abo barwanyi, bamwe muri bo barasa amasasu mu kirere bariko baragenda.

Insiguro ya video, Yevgeny Prigozhin aboneka avuye muri Rostov-on-Don

Umukuru wa Wagner yabonetse ava mu gisagara ca Rostov-on-Don abarwanyi biwe bari bigaruriye mu gitondo c'ejo ku wa gatandatu.

Yevgeny Prigozhin yavuye ku cicaro c'igisirikare c'Uburusiya muri ico gisagara.

Progozhin yateye aja muri Biélorussie/Belarus kandi ivyaha vyose yagirizwa hamwe n'ivy'abarwanyi biwe bizohanagurwa "kugira ngo ntihagire amaraso aseseka".

Wagner

Ahavuye isanamu, ARKADY BUDNITSKY/EPA-EFE/REX/Shutterstock