Imvo n'Imvano ku mikono y'igikombe cy'Afrika yarangiye ku cyumweru tariki 18 z'ukwa mbere 2026

Mu kiganiro Imvo n'Imvano co kuri uno wa gatandatu tariki 24 z'ukwezi kwa mbere umwaka wa 2026, turabagezaho ikiganiro ku mupira w'amaguru muri Africa cyane tuvuga ku mikino y'igikombe cy'Afrika yarangiye ku cyumweru gishize, igikombe cyegukanywe n'ikipe ya Senegal itsinze ku mukino wa nyuma Maroc yateguye iryo rushanwa igitego 1-0.

Mu bihugu 24 byitabiriye imikino ya nyuma mu gihugu cya Maroc harimo ibihugu 3 byo mu karere k'Afrika y'iburasirazuba- Tanzania, Uganda na Repubulika ya Demokrasi ya Congo.

Senegal yatwaye igikombe cyayo cya kabiri gisanga icyo yegukanye muri 2022 mu gihugu cya Cameroon. Ni mu gihe Maroc yari itegereje igikombe cy'Afrika iheruka kwegukana bwa mbere hashize imyaka 50.

Ni irushanwa abasesenguzi ba ruhago n'abatoza bemeza ko ryateguwe kandi rikagenda neza uretse ibyabaye ku mukino wa nyuma ubwo umutoza wa Senegal Pape Thiaw yategekaga ikipe ye kuva mu kibuga ku mpamvu zo kutishimira penalty yari ihawe Maroc ku munota wa nyuma, penalty nayo Maroc yahushije.

Ibihugu by' u Rwanda n'u Burundi ntibyari muri iri rushanwa. U Burundi buheruka muri Afcon muri 2019 mu gihugu cya Misri naho u Rwanda ruherukamo muri 2004 muri Tunisia.

Ese habura iki ngo ibi bihugu na byo bibone itike ya AFCON? Ese hakorwa iki? Turabyumva muri iki kiganiro mwateguriwe kandi mugezwaho na Yves Bucyana.