Angela Merkel yavuye ku butegetsi yari amazeho imyaka 16nka Chancellor w'Ubudage, mu rugendo rwa politiki rwamugejeje ku mwanya wo hejuru mu Budage yatangiye mu myaka irenga 30 ishize.
Ni urugendo rwagiye rufatwa no mu mashusho buri ntambwe: kuva ku gusura abarobyi bwa mbere atangira kwiyamamaza, kugeza ku biganiro muri White House n'ibindi byose hagati aho.
Merkel w'imyaka 67, arasimburwa na Olaf Scholz urahira ku wa gatatu.
Aya ni amwe mu mafoto twahisemo mu yandi ibihumbi yafotowe uyu mugore wategetse Ubudage kuri manda enye, akaba uwa gatatu wategetse iki gihugu imyaka myinshi.
Ahavuye isanamu, EPA
Insiguro y'isanamu, Ukuboza(12) 2021: Abasirikare b'Ubudage mu cyumweru gishize bahawe amahirwe yo gusezera no guha icyubahiro Merkel uri kwitegura guha ubutegetsi leta nshya
Ahavuye isanamu, AFP
Insiguro y'isanamu, Impeshyi 1989: Madamazera Merkel (iburyo) hamwe n'uwaje kuba inzobere mu butabire Malgorzata Jeziorska n'uwaje kuba umugabo we Joachim Sauer kuri kaminuza yo muri Pologne ku ishuri ryayo ry'ubutabire
Ahavuye isanamu, Getty Images
Insiguro y'isanamu, Ugushyingo(1) 1990: Ku mwaka wakurikiyeho, yiyamamaje mu matora ya mbere yabayeho nyuma y'uko Ubudage bwongeye kuba igihugu kimwe, aha yari yasuye inzu y'umurobyi iri ku kirwa (izinga mu Kirundi) cya Lobbe
Ahavuye isanamu, Getty Images
Insiguro y'isanamu, Mutarama(1) 1994: Madamu Merkel, umunyapolitiki mu ishyaka CDU, yagizwe Minisitiri w'ibidukikije - aha yateraga ipasi igipapuro cyo gupfunyikamo yerekana ko bishobora kongera gukoreshwa aho gutabwa
Ahavuye isanamu, Getty Images
Insiguro y'isanamu, Werurwe (3) 1995: Minisitiri Merkel arimo guseka na Minisitiri w'ubuzima Horst Seehofer, mu nama y'abaminisitiri
Ahavuye isanamu, Getty Images
Insiguro y'isanamu, Werurwe (3) 2000: Merkel yatorewe kuyobora ishyaka Christian Democratic Union (CDU)
Ahavuye isanamu, Getty Images
Insiguro y'isanamu, Nyakanga(7) 2005: Hashize imyaka itanu, yasubiye kwiyamamaza (ni byo yari arimo ku ifoto) - ibyamugejeje ku mwanya wa chancelière wa mbere w'umugore w'Ubudage
Ahavuye isanamu, AFP
Insiguro y'isanamu, Kamena(6) 2007: Nubwo turi mu kinyejana cya 21, politiki iracyakuriwe n'abagabo, Merkel rero - hano ku ifoto ari kumwe na Minisitiri w'intebe w'Ubutaliyani Romano Prodi, Perezida Nicolas Sarkozy w'Ubufaransa, Perezida George W Bush wa Amerika, Perezida Vladimir Putin w'Uburusiya na Minisitiri w'intebe Tony Blair w'Ubwongereza - ni yo sura y'umugore yonyine yabonekaga mu bakomeye
Ahavuye isanamu, Getty Images
Insiguro y'isanamu, Mutarama (1) 2007: Angela Merkel yari mu bategetsi bacye ku isi bumva Vladimir Putin. Nubwo uyu yari azi neza ko Merkel atinya imbwa ariko hano ubwo yari yamusuye i Sochi mu Burusiya yahakanye ko yari agamije kumutera ubwoba
Ahavuye isanamu, Reuters
Insiguro y'isanamu, Mata (4) 2009: Merkel yakundiwe ko yafashe ingamba zikomeye zo kugabanya ibyo leta ikenera nyuma y'ihungabana rikomeye ry'ubukungu, aha afashe ikirahure cy'inzoga yariho yiyamamariza kongerwa indi manda
Ahavuye isanamu, Getty Images
Insiguro y'isanamu, Mata (4) 2011: Hillary Clinton, wari ashinzwe ububanyi n'amahanga bwa Amerika, ari kumwe na Merkel i Berlin, bari guha ikiganiro abanyamakuru nyuma y'inama bagiranye
Ahavuye isanamu, Getty Images
Insiguro y'isanamu, Kamena (6) 2015: Merkel n'uwari Perezida wa Amerika Barack Obama, baganira nyuma y'inama ya G7 yabereye mu karere k'imisozi yo mu majyepfo y'Ubudage. Hashize umwaka umwe Obama yaramubwiye ati: "Wabaye inshuti yo kwizera igihe kinini kurusha undi mutegetsi wese ku isi mu gihe cyose nari ku butegetsi"
Ahavuye isanamu, AFP
Insiguro y'isanamu, Nzeri (9) 2015: Icyemezo cye cyo gufungura imipaka y'Ubudage ku bimukira n'impunzi cyateje impaka mu gihugu. Ku ifoto, impunzi zari zigeze i Budapest muri Hongrie, imwe ifite ifoto iriho Merkel
Ahavuye isanamu, Getty Images
Insiguro y'isanamu, Mata (4) 2018: Ibyo byanatumye atarebana neza n'uwari Perezida wa Amerika Donald Trump, aha bari mu kiganiro n'abanyamakuru kuri White House
Ahavuye isanamu, Getty Images
Insiguro y'isanamu, Kamena (6) 2018: Ikibazo cy'abimukira si cyo gusa batumvikanagaho. Koreya ya Ruguru, Iran, n'ubucuruzi ku isi na byo byatumaga batavuga rumwe, nk'aha mu nama ya G7 muri Canada
Ahavuye isanamu, Rwanda Presidency
Insiguro y'isanamu, Ukwakira(10) 2018: Merkel yerekanye kandi gutega amatwi abategetsi b'ibihugu bya Africa, aha ni mu nama ya G20 i Berlin aganira na Perezida Paul Kagame
Ahavuye isanamu, Getty Images
Insiguro y'isanamu, 2020/21: Mu gihe coronavirus yariho iyogoza ku isi, Merkel yashimiwe uko yitwaye mu kurwanya iki cyorezo, bamwe bavuga ko kuba nawe ari umuhanga muri science byafashije, aha yari kumwe na Ugur Sahin washinze kompanyi ya BioNTech amwereka uko bari gukora urukingo rwa Pfizer ku ruganda rwabo i Marburg mu Budage
