Magufuli yashimiye umutegetsi w’Ubushinwa kubona atambaye agapfukamunwa muri Tanzania
Umukuru w'igihugu ca Tanzania arashimira cane umushikiranganji w'Ubushinwa ari mu rugendo muri ico gihugu, kubona atambaye agapfukamunwa, akavuga ko vyerekana ko ata coronavirus iri mu gihugu.
Magufuli ati: "Nashaka nshimire umushikiranganji Wang Yi, arazi ko muri Tanzania tudafise Corona ari na co gituma atambaye agapfukamunwa. Urakoze cane Wang Yi…kandi nanje kugira ndabimwereke, ngenda ndamufashe ukuboko, tugende dufungurire hamwe".
Umushikiranganji w'imigenderanire w'Ubushinwa Wang Yi yaboneka nk'uko yirebanga mu ntumwa yari arongoye, mu gihe abandi bose bari bambaye udupfukamunwa, nk'uko biboneka muri ino reresi:
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Perezida Magufuli aranegurwa cane ku kuntu yafashe iki kiza ca coronavirus, mu kwanka ingingo ngenderwako zatanzwe n'ishami rya ONU rijejwe amagara y'abantu kw'isi, OMS, muri zo harimwo ingingo yo kutegerana.
Haraciye igihe Tanzania idatanga amakuru ajanye n'abanduye uwo mugera muri ico gihugu.
Umushikiranganji Yi ari mu rugendo azogira mu bihugu bitanu vya Afrika, ari vyo Nijeriya, Repubulika y'Intwaro Rusangi ya congo, Botswana, Tanzania hamwe na Seychelles.
Ubushikiranganji bw'imigenderanire y'Ubushinwa busubiramow amajambo ya Yi avuga ko Ubushinwa "buzorungika abahinga mu vyo amagara y'abantu" kandi ko bwipfuza "kwihutisha" imigambi y'ubwubatsi yari yahagaritswe kubera iki kiza karanda.
