Kenya: Igiti kimaze 'imyaka 100' cyari kigiye gutemwa cyarokowe n'imyigaragambyo

Inyandiko gusa
Iki giti perezida yavuze ko ari ikirango cy'umurage nta ugomba kugitema

Ahavuye isanamu, NMS

Insiguro y'isanamu, Iki giti perezida wa Kenya ubu yavuze ko ari ikirango cy'umurage, bityo nta ugomba kugitema
Igihe co gusoma: iminota 1

Impirimbanyi zo kurengera ibidukikije muri Kenya zishimiye itegeko rya perezida ribuza gutema igiti bivugwa ko kimaze imyaka 100 cyari kigiye gutemwa kubera umuhanda uri hejuru y'uwundi uri kubakwa.

Impirimbanyi zimaze ibyumweru zigaragambya zamagana itemwa ry'ibiti biri mu murwa mukuru ahari kubakwa umuhanda wa 27Km uzaba uri hejuru y'uwundi ugamije kugabanya umubyigano w'imodoka i Nairobi.

Iki giti cy'imbuto bita 'fig' cyangwa 'figuier' kiri hagati mu muhanda wa Waiyaki Way mu burengerazuba bwa Nairobi, abashinzwe ibikorwa remezo bari bagishyize mu bigomba gutemwa.

Gusa iki si igiti nk'ibindi, kirazwi cyane aho kiri kuko bivugwa ko kimaze imyaka igera ku 100.

Imyigaragambyo y'impirimbanyi yatumye abategetsi ba Nairobi bavuga ko kizarandurwa bakagitera ahandi ho kukibungabunga.

Nabyo ntibyari bihagije ku baharanira ubusugire bwacyo.

Ejo ku wa gatatu, Maj Gen Mohammed Badi, ukuriye urwego rwa Nairobi Metropolitan Services ishinzwe ibikorwa remezo by'umujyi, yasohoye itegeko ryatanzwe na Perezida Uhuru Kenyatta rivuga ko;

"Ibikorwa by'iterambere byose bizakorwa hano bitagomba gukora kuri iki giti".

Skip Ibisomwa cane and continue reading
Ibisomwa cane

End of Ibisomwa cane

Yavuze kandi ko icyo giti ari "ikirango n'umurage w'umuco n'ibidukikije bya Kenya."

Bamwe mu mpirimbanyi bahise batangaza ibyishimo byabo ko icyo baharaniye bakigezeho.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Kompanyi y'Abashinwa yatangiye kubaka umuhanda uzaba uteretse hejuru y'inkingi zishinze, uri hejuru y'umuhanda mugari uva ku kibuga cy'indege ugana mu burengerazuba.

Bwana Badi yabwiye abanyamakuru ko bazavugana n'abari kubaka uwo muhanda ngo ntibazakore kuri icyo giti.

Yavuze kandi ko kizubakirwa uruzitiro kugira ngo bakirinde kandi abantu bakomeze kwishimira ubwiza bwacyo no kukibona.