Perezida Donald Trump w'imyaka 74, wo mu ishyaka ry'abarepubulikani, na Joe Biden bahatanye w'imyaka 77, w'umudemokarate, buri umwe afite imyaka irenga 70 mu buzima busanzwe no mu bunararibonye mu kazi.
Aya ni amwe mu mafoto yaranze ubuzima bwabo.
Mu myaka y'ubuto
Ahavuye isanamu, Alamy
Insiguro y'isanamu, Donald Trump w'imyaka 18 yambaye umwambaro wo mu ishuri rya gisikare ry'i New York, nkuko agaragara mu gitabo cy'abanyeshuri b'iryo shuri mu mwaka wa 1964
Donald John Trump yavutse nyuma gato y'intambara ya kabiri y'isi, mu kwezi kwa gatandatu mu 1946.
Ni umwana wa kane wa Fred Trump, wari umuherwe wo mu rwego rw'ubwubatsi i New York, na Mary Anne MacLeod Trump.
Nubwo yavutse mu muryango w'abakire, yari yitezweho gukora imirimo idasaba ubuhanga bwinshi muri kompanyi ya se.
Yoherejwe mu ishuri rya gisirikare afite imyaka 13 nyuma yuko yari atangiye kwitwara nabi mu ishuri risanzwe.
Yize ubukungu muri Kaminuza ya Pennsylvania, nyuma aza kuba ufite amahirwe menshi yo gusimbura se mu bucuruzi bw'umuryango kubera ko mukuru we Fred yari yahisemo kuba umupilote.
Ahavuye isanamu, Alamy
Insiguro y'isanamu, Joe Biden afite imyaka 25, mu mwaka wa1967
Joseph Robinette Biden Jr yavukiye i Scranton muri leta ya Pennsylvania mu mwaka wa 1942.
Bwana Biden yize kuri Kaminuza ya Delaware, nyuma yiga no mu ishuri ry'amategeko ryo kuri Kaminuza ya Syracuse.
Nyuma yaje gushaka umugore we wa mbere, Neilia, nuko atangirira politike mu mujyi wa Wilmington muri leta ya Delaware.
Mu myaka ya 1970
Ahavuye isanamu, Getty Images
Insiguro y'isanamu, Donald Trump mu mwaka wa 1976
Ahavuye isanamu, Getty Images
Insiguro y'isanamu, Senateri watowe Joe Biden arahirira mu bitaro mu kwezi kwa mbere mu 1973, sebukwe Robert Hunter amuri iruhande, n'umuhungu we Beau Biden arimo koroherwa. Umugore we wa mbere n'umukobwa we Naomi wari uruhinja bapfiriye mu mpanuka y'imodoka mu kwezi kwa 12 mu mwaka wa 1972, abahungu be Hunter na Beau barakomereka bikomeye; yari yatorewe kuba senateri bwa mbere mu kwezi kwa 11 k'uwo mwaka. Nyuma yagiye yongera gutorerwa kuba senateri wa leta ya Delaware.
Mu myaka ya 1980
Ahavuye isanamu, Joe McNally / Getty Images
Insiguro y'isanamu, Donald Trump atembera mu mujyi wa New York ari mu ndege ya kajugujugu ye bwite mu kwezi kwa munani mu 1987
Ahavuye isanamu, Arnie Sachs / Getty Images
Insiguro y'isanamu, Senateri Biden n'umugore we Jill, mu kiganiro n'abanyamakuru, atangaza ko avuye mu guhatanira kuba perezida w'Amerika mu mwaka wa 1987 nyuma yo gushinjwa guterura (gukoporora) ijambo rya Neil Kinnock wari ukuriye ishyaka ry'abakozi ryo mu Bwongereza.
Mu myaka ya 1990
Ahavuye isanamu, Getty Images
Insiguro y'isanamu, Bwana Trump yitabiriye ikiganiro n'abanyamakuru kijyanye na Nyampinga (Miss) w'Amerika na Nyampinga w'Amerika mu bakobwa bato (Miss Teen USA) i New York, mu kwezi kwa mbere mu 1999
Mu myaka ya 2000
Ahavuye isanamu, Ron Galella / Getty Images
Insiguro y'isanamu, Donald Trump na Melania Trump, icyo gihe witwaga Melania Knauss, mu mwaka 1998
Ahavuye isanamu, Joe Raedle / Getty Images
Insiguro y'isanamu, Joe Biden afashe ijambo ku rubuga rwo kwiyamamaza, nyuma yo guhabwa ikaze na Barack Obama biyamamazanyaga ngo amubere Visi Perezida, aha hari mu mujyi wa Springfield muri leta ya Illinois
Mu myaka ya 2010
Ahavuye isanamu, Michael Reynolds / Getty Images
Insiguro y'isanamu, Barack Obama na Joe Biden bari kumwe na Minisitiri w'intebe wa Ireland, Brian Cowen, mu munsi mukuru ngaruka mwaka wa St Patrick's Day, mu biro bya White House mu 2010. Mu minsi ya nyuma y'ubutegetsi bwe, Obama yahaye Biden umudari wa mbere ukomeye ku musivile muri Amerika wa Presidential Medal of Freedom.
Mu 2020
Ahavuye isanamu, Win McNamee / Getty Images
Insiguro y'isanamu, Donald Trump akuramo agapfukamunwa nyuma yo kugera mu biro bye bya White House ku itariki ya 5/10/2020 avuye mu bitaro bya gisirikare bya Walter Reed National Military Medical Center, aho yamaze iminsi itatu avurwa coronavirus
Ahavuye isanamu, Roberto Schmidt / Getty Images
Insiguro y'isanamu, Joe Biden aganira n'abanyamakuru ku kibuga mpuzamahanga cy'indege cya Erie International Airport muri leta ya Pennsylvania, mbere yo gusubira muri leta ya Delaware, ku itariki ya 10/10/2020.
