Uganda: Umushikiranganji muri sentare yagirizwa kurasa abakunzi b’uyo bahiganwa

Inyandiko gusa
Uumshikiranganji Mwesigwa Rukutana yari ahejeje gutsindwa mu matora
Insiguro y'isanamu, Umushikiranganji Mwesigwa Rukutana yari ahejeje gutsindwa mu matora

Umushikiranganji w'akazi muri Uganda, Mwesigwa Rukutana, yitezwe kurenguka muri sentare kuri uyu wa mbere inyuma yo guhagarikwa yagirizwa ko yarashe umuntu mu mpera z'indwi iheze.

Uyu mushikiranganji yagirizwa ko yarashe abanywanyi b'umukeba wiwe inyuma y'aho atsindiwe mu matora yo hasi yatunganijwe n'umugambwe uri ku butegetsi National Resistance Movement (NRM).

Ibinyamakuru vyo muri Uganda bitangaza ko batatu muri abo banywanyi b'uyo mukeba wiwe bakomeretse, umwe akaba aremvye cane.

Bwana Rukutana arahakana ko atigeze arasa abanywanyi b'uyo bahiganywe.

Ibinyamakuru vya Uganda bisubiramwo amajambo avugwa n'abari ahabereye iryo bara, aho bavuga ko uyo mushikiranganji yatse inkoho umwe mu bamucungera agaca arasa abo banywanyi b'uwari ahejeje kumutsinda.

Umushikiranganji Rukutana yaciye ahagarikwa, co kimwe na batatu mu bamucungereye ubuzima.

Icegera c'umukuru w'igipolisi muri Uganda, Polly Namaye, avuga ko abo bantu bagirizwa ko bashatse kugandagura abantu.

Ireresi yerekana uyu mushikiranganji yafashe iyo nkoho yakwiragijwe ku mbuga ngurukanabumenyi.

Skip Ibisomwa cane and continue reading
Ibisomwa cane

End of Ibisomwa cane

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa