Amasanamu y'umunsi intambara ya kabiri y'isi yose irangira, haciye imyaka 75

Inyandiko gusa

Ku wa 15 z'ukwa munani, haciye imyaka 75 intambara ya kabiri y'isi yose irangiye, inyuma y'aho Ubuyapani bumanikiye amaboko butewe ibibombe bibiri ruhonyanganda vy'ubumara.

Isinzi ry'abantu mu gisagara ca New York bateruye umugore mu kirere bigina ugutsindwa kw'Ubuyapani

Ahavuye isanamu, Getty Images

Insiguro y'isanamu, Isinzi ry'abantu mu gisagara ca New York bateruye umugore mu kirere bigina ugutsindwa kw'Ubuyapani

Inyuma y'aho Ubuyapani bitangarije ko bihagaritse intambara ku wa 15/08/1945, ibihugu vy.Ubwongereza, Leta Zunze Ubumwe za Amerika na Australia vyaciye bitangaza akaruhuko k'iminsi ibiri ko kwigina iyo ntsinzi.

Amamiliyoni n'amamiliyoni y'abantu mu gihugu vyari vyagiye hamwe kugira birwanye Abanazi n'incuti zabo baciye biha amabarabara mu minsi mikuru yo kwigina iyo ntsinzi.

Abana bo mu karere ka Oak Ridge,mu ntara ya Tennessee muri Leta Zunze Ubumwe za Amerika bigina bafise ibinyamakuru bitangaza ko intambara yari irangiye

Ahavuye isanamu, Getty Images

Insiguro y'isanamu, Abana bo mu karere ka Oak Ridge,mu ntara ya Tennessee muri Leta Zunze Ubumwe za Amerika bigina bafise ibinyamakuru bitangaza ko intambara yari irangiye

Ubudagi bwobwo bwari bwamaze kwemera ko bwatsinzwe mu kwa gatanu igenekerezo rya 08 1945, ariko Ubuyapani bwabandanije intambara mu karere ka Aziya n'amazinga yo mw'ibahari Pasifike

Umunezero wari mwinshi mu karere ka Piccadilly Circus i Londres

Ahavuye isanamu, Getty Images

Insiguro y'isanamu, Umunezero wari mwinshi mu karere ka Piccadilly Circus i Londres

Abasirikare baharurwa mu 71,000 b'Ubwongereza n'incuti zabwo zo mu muryango wa Commonwealth nibo bapfiriye mu ntambara n'Ubuyapani nayo abandi 12.000 bari bagizwe imbohe bapfira mu maboko y'Abayapani.

Ubuyapani bwarafashe nabi cane imbohe zo mu ntambara, zarimwo abasirikare b'Abongereza n'Abanyamerika bari bafashwe mpiri.

Mu gisagara ca New York haboneka igishusho cerekana ukwibohora

Ahavuye isanamu, Getty Images

Insiguro y'isanamu, Mu gisagara ca New York haboneka igishusho cerekana ukwibohora abigina intsinzi bagihagatiye

Intambara irangiye i Bulaya, ingabo zari zishize hamwe kugira zirwanye Abanazi n'abo bari bafatanije bategetse Ubuyapani gushira amaboko hejuru ku wa 28/07/1945, ariko bwica amatwi.

Ubuyapani bwagiye kwemera ko habavye Amerika imaze gutera vya bibombe ruhonyanganda vy'ubumara ku bisagara bibiri Hiroshima na Nagasaki, ku wa 06 na 09 z'ukwa munani 1945, buca burashira aho intahe ishize.

Skip Ibisomwa cane and continue reading
Ibisomwa cane

End of Ibisomwa cane

abasirikare

Ahavuye isanamu, Getty Images

Insiguro y'isanamu, Mu gisagara ca Newark mu ntara ya New Jersey muri Amerika, abasirikare bifatanije n'abanyagihugu mu kwigina intsinzi

Mu gisagara ca Hiroshima, abantu baharurwa mu 140.000 kuri 350.000 baba muri co nibo baharurwa ko bapfuye, hamwe n'abarenga 74.000 mu gisagara ca Nagasaki.

Abanyagihugu bihaye amabarabara mu gisagara ca New York

Ahavuye isanamu, Getty Images

Insiguro y'isanamu, Abanyagihugu bihaye amabarabara mu gisagara ca New York

Inyuma y'ibihuha vyakurikiye ivyo bibombe vy'ubumara, umukuru w'igihugu wa Amerika ico gihe Harry S Truman yaciye atangaza inkuru y'ugutsindwa kw'Ubuyapani ku wa 14/08/1945.

Umugabo n'umugore basomana kubera umunezero mu gisagara ca Kansas c'intara ya Missouri

Ahavuye isanamu, Alamy

Insiguro y'isanamu, Umugabo n'umugore basomana kubera umunezero mu gisagara ca Kansas c'intara ya Missouri

Mw'ijambo yashikirije isinzi ryari imbere ya Maison Blanche/White House, Perezida Truman yavuze ati: "Uyu niwo munsi twari turindiranye igishika kuva umunsi Pearl Harbor iterwa. Uyu niwo munsi abansi ubwabo burangiye, nk'uko twari tuvyiteze".

Umusirikare wa Amerika Fariko avuza inanga abandi basirikare bagenziwe baririmba mu gisagara ca Fort Snelling mu ntara ya Minnesota

Ahavuye isanamu, Getty Images

Insiguro y'isanamu, Umusirikare wa Amerika Fariko avuza inanga abandi basirikare bagenziwe baririmba mu gisagara ca Fort Snelling mu ntara ya Minnesota

Umushikiranganji wa mbere w'Ubwongereza, Clement Atlee, yasubiriye Churchill yavuze ati: "Abansi bacu bagiye batsindwa "

Yashimiye incuti zose z'Ubwongereza, ibihugu vya Australia Nouvelles Zelandes Ubuhindi na Burma, ibihugu vyose vyari vyigaruriwe n'Ubuyapani, hamwe n'Uburusiya.

Yongeye ashimira vyihariye Amerika avuga ko "iyo itaba yo intambara mu karere k'ubuseruko yari kubandanya iyindi myaka itari mike".

Aha hari mu gace ka Times Square muri New York City, Amerika

Ahavuye isanamu, Alamy

Insiguro y'isanamu, Aha hari mu gace ka Times Square muri New York City, Amerika

Ku munsi wakurikiye, umwami w'abami w'Ubuyapani Hirohito yumvikanye kuri radiyo - ibitari bwigere bibaho - atangaza ko ibibombe ruhonyanganda, ruburakigongwe, vya Amerika ari vyo bitumye Ubuyapani bumanika amaboko ataco burinze gusaba.

Yongeyeko ati: "Mu gihe twobandanya intambara, igihugu cy'Ubuyapani cose kirafise kuzimangana ubutakigaruka, abanyagihugu bakarimbuka bagahera burundu".

Abagore muri Ohio, Amerika bigina intsinzi berekana ikinyamakuru cavuga ko Ubuyapani bwamanitse amaboko

Ahavuye isanamu, Alamy

Insiguro y'isanamu, Abagore muri Ohio, Amerika bigina intsinzi berekana ikinyamakuru cavuga ko Ubuyapani bwamanitse amaboko
Transparent line
Agace ka Times Square, New York City, muri Amerika

Ahavuye isanamu, Getty Images

Insiguro y'isanamu, Agace ka Times Square, New York City, muri Amerika

I Londres mu Bwongereza, umuryango w'ibwami warahagaze kw'ibaraza uramutsa isinzi ry'abariko barigina ku kirimba ca Buckingham.

Isinzi ry'abariko barigina ku kirimba ca Buckingham

Ahavuye isanamu, Alamy

Insiguro y'isanamu, Isinzi ry'abariko barigina ku kirimba ca Buckingham

Umuganwakazi Elizabeth hamwe n'umuganwakazi Margaret nabo nyene bahavuye bahamvya isinzi ryari ku kirimba.

Buckingham Palace

Ahavuye isanamu, Getty Images

Insiguro y'isanamu, Kuva i bubamfu uja i buryo : umuganwakazi Elizabeth, umwamikazi Elizabeth, umwami George VI hamwe n'umuganwakazi Margaret