Canada: Umuntu umwe yapfuye ubwo indege y’ibirori yahanutse ikagwa ku nzu

Inyandiko gusa
Izi ndege zifashishwa mu gushimisha abantu zikaraga mu buryo butangaje mu kirere

Ahavuye isanamu, Getty Images

Insiguro y'isanamu, Izi ndege zifashishwa mu gushimisha abantu zikaraga mu buryo butangaje mu kirere

Kugeza ubu umuntu umwe niwe watangajwe ko yapfuye ubwo imwe mu ndege zikoreshwa mu gushimisha abantu yahanutse ikitura ku rugo rutuwe.

Uwapfuye ni umwe mu bari bayitwaye, naho uwo bari bafatanyije yakomeretse ubwo iyi ndege yagwaga ku nzu iri mi mujyi wa Kamloops mu ntara ya British Columbia.

Amashusho yafashwe agaragaza ko umupilote wayo umwe yabashije kuyivamo itarisenura hasi.

Iyi ndege yariho iguruka mu mu myiyereko ishimishije yo "guha icyubahiro Abanyacanada bari mu bikorwa byo kurwanya Covid-19" nk'uko bitangazwa n'urubuga rw'ikipe y'abazigurutsa.

Bene izi ndege zishimisha abantu kuko zikaraga mu buryo butangaje mu kirere. Uku guhanuka kwayo kwabaye ejo ku cyumweru hashize umwanya muto ihagurutse ngo yiyereke.

Igisirikare kirwanira mu kirere cya Canada cyatangaje kuri Twitter ko "kibabajwe no kumenyesha ko umwe mu batwara indege za CF Snowbirds yapfuye undi agakomereka bikomeye".

Nyuma iki gisirikare cyatangaje ko uwakomeretse ibikomere bye bidashobora kumuhitana.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Videwo yashyizwe kuri Twitter yerekana indege ebyiri ziguruka mbere y'uko imwe ifatwa n'inkongi.

Skip Ibisomwa cane and continue reading
Ibisomwa cane

End of Ibisomwa cane

Umwe mu wabonye uko byagenze yabwiye CBC ati: "Imwe yakomeje indi tubona imyotsi ku mpande ebyiri, umwe wabonaga ari umwotsi undi ari ikibatsi cy'umuriro"

Yavuze ko yahise ihanuka maze bakabona umwotsi mwinshi w'umukara uzamuka.

Iyi ndege yikubise ku nzu ariko igwa mu busitani bw'imbere y'inzu ituwe, abayibamo basohoka biruka bagerageza kuyizimya.

Umwotsi uzamuka aho iyi ndege yaguye

Ahavuye isanamu, TWITTER / @MIKEGT79

Insiguro y'isanamu, Umwotsi uzamuka aho iyi ndege yaguye

Kenny Hinds utuye hafi y'aho yaguye yabwiye Associate Press ati: "Nahise niruka njyayo mpagera hashize nk'umunota umwe iguye, nasanze abahatuye bari kugerageza kuyizimya kuko yanikubise ku nzu".

Yongeraho ati: "Urebye igice kinini cyayo cyaguye imbere y'inzu ariko ibaba cyangwa ikindi gice byinjiye mu gisenge".

Amafoto y'ibinyamakuru muri Canada yerekana umutaka wo mu ndege ku gisenge cy'inzu.

Mu kwezi kwa cumi, indege nk'iyi yaguye mu gace kadatuwe i Atlanta muri Amerika gusa umupilote yabashije kuyivamo itarisenura hasi.