Urukiko rwo muri Kenya rwahamije umugore 'icyaha cyo gucuruza amashashi'
Ahavuye isanamu, Getty Images
Urukiko rw'ahitwa Nyeri rwagati muri Kenya, rwahamije umugore icyaha cyo gucuza amashashi yabujijwe gukoreshwa muri iki gihugu.
Nkuko bitangazwa n'ikinyamakuru Daily Nation cyo muri Kenya, uyu mugore witwa Nancy Wangari Roberts ashobora gucibwa amande angana n'amadolari 500 y'Amerika cyangwa agafungwa mu gihe cy'amezi atandatu.
Ni umwe mu bacuruzi amakuru avuga ko batahuwe ko barenze ku itegeko ryo mu mwaka wa 2017 rica ikoreshwa ry'amashashi muri Kenya.
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Guca ikoreshwa ry'amashashi muri Kenya, bisobanuye ko buri wese ufashwe ayacuruza, ayakora cyangwa hari ibyo ayatwayemo, ashobora guhanishwa gucibwa amande agera ku bihumbi 38 by'amadolari y'Amerika cyangwa agafungwa imyaka igera kuri ine.
Leta ya Kenya itangaza ko guca ikoreshwa ry'amashashi bizafasha mu kubungabunga ibidukikije.
Ariko inganda zikora amashashi zivuga ko abantu babarirwa mu bihumbi bashobora kubura akazi.
Ibindi bihugu byinshi byo ku mugabane w'Afurika - birimo u Rwanda, Mauritania na Eritrea - nabyo byaciye ikoreshwa ry'amashashi.
