Guinée Equatoriale: Zahatswe guhindura imirisho

Inyandiko gusa
Prezida Teodoro Obiang Nguema yongewe gutogwa ku majwi 93.7% mu 2016 muri Guinée Equatoriale

Ahavuye isanamu, AFP

Insiguro y'isanamu, Prezida Teodoro Obiang Nguema yongewe gutogwa ku majwi 93.7% mu 2016 muri Guinée Equatoriale

Ubutegetsi bwa Guinée Equatoriale buvuga ko bwatesheje abarondera guhirika ubutegetsi, mu mpera z'ukwezi kwa cumi na kabiri.

Umushikiranganji ajejwe umutekano, yavuze ko hari abacangero bari batowe n'imigambwe itavuga rumwe n'ubutegetsi, gutembagaza leta ya Prezida Teodoro Obiang Nguema.

Niburiburi abantu 30 bitwaje ibigwanisho barafashwe vuba mu gihugu ca Cameroun, hafi y'urubibe ico gihugu gisangiye na Guinée Equatoriale.

Bivugwa ko abo bantu bikekwa kuba abacangero boba bavuye muri Tchad, Cameroun na République Centrafricaine.

Bwana Nguema atwaye Guinée Equatoriale imyaka 38, leta arongoye igakunda kwagirizwa ingeso y'ibiturire hamwe no guhonyanga agateka ka zina muntu.