Trump yavuganye n'umukuru wa Taiwan

Inyandiko gusa
Donald Trump n'uwatorewe kuyobora Taiwan, Tsai Ing-wen.

Ahavuye isanamu, AP

Insiguro y'isanamu, Donald Trump n'uwatorewe kuyobora Taiwan, Tsai Ing-wen.

Donald Trump, uherutse gutorerwa kuyobora Leta zunze ubumwe za Amerika, yavuganye na perezida wa Taiwan.

Hari hashize imyaka myinshi nta mutegetsi wo muri Amerika ubikora kugirango batarakaza Ubushinwa.

Bwana Trump, ku rubuga rwa Twitter, yavuze ko Perezida Tsai Ing-wen yamuterefonye, ariko Taiwan ivuga ko impande zombi zari zabyumvikanyeho.

Perezida wa Taiwan, Tsai Ing-wen, aganira kuri telefoni na Donald Trump.

Ahavuye isanamu, Reuters

Insiguro y'isanamu, Perezida wa Taiwan, Tsai Ing-wen, aganira kuri telefoni na Donald Trump.

Minisitiri w'ububanyi n'amahanga w'Ubushinwa, Wang Yi, yavuze ibi ntacyo bizahindura kuri politiki y'igihugu cye ifata Taiwan nk'intara y'Ubushinwa.

Leta zunze ubumwe za Amerika zacanye umubano ushingiye kuri za ambasade na Taiwan muri 1979.

Ubushinwa na Taiwan byatandukanye muri 1949 igihe leta yariho mu Bushinwa icyo gihe yahungiraga muri Taiwan imaze gutsindwa n'abakomunisiti bari bayobowe na Mao Zedong.

Mu bushinwa barakurikiranira hafi uko Donald Trump yitegura gutegeka.

Ahavuye isanamu, Getty Images

Insiguro y'isanamu, Mu Bushinwa barakurikiranira hafi uko Donald Trump yitegura gutegeka.

Iyo leta yafashe umwanya w'Ubushinwa mu kanama ka ONU gashinzwe umutekano ku isi kandi yamaze igihe ibihugu by'Uburayi na Amerika byemera ko ariyo yonyine ihagarariye icyo gihugu.