Rwanda: Perezida Paul Kagame ngo nta gitutu yashyizweho cyo kubabarira Victoire Ingabire

Inyandiko gusa
Victoire Ingabire avuga ko atasabye kurekurwa
Insiguro y'isanamu, Victoire Ingabire avuga ko atasabye kurekurwa

Perezida Paul Kagame w'u Rwanda yatangaje ko nta gitutu yashyizweho cyo kubabarira no gufungura Madamu Victoire Ingabire utavuga rumwe na leta y'iki gihugu.

Ibyo yabivuze mu ijambo yagejeje ku nteko ishingamategeko nyuma yo kurahiza abadepite baherutse gutorwa.

Perezida Kagame yavuze ko imbabazi yatanze ari bwo buryo bwo gukemura ibibazo no kubaka u Rwanda, asaba abafunguwe gucisha macye cyangwa bakisanga basubiye muri gereza.

Perezida w'u Rwanda Paul Kagame

Ahavuye isanamu, Rwanda Government

Insiguro y'isanamu, Paul Kagame yatangaje ko nta gitutu yashyizweho cyo kubabarira no gufungura Madamu Victoire Ingabire

Mu mpera y'icyumweru gishize, Perezida Kagame yatanze imbabazi ku mfungwa zirenze ibihumbu 2.

Muri zo harimo Victoire Ingabire, umuyobozi w'ishyaka rya FDU-Inkingi ritaremerwa mu Rwanda, n'umuhanzi Kizito Mihigo bombi bari barakatiwe ibihano bitandukanye nyuma yo guhamwa n'ibyaha birimo ibyo gushaka guhirika ubutegetsi bwe.