 Llywydd y diwrnod cyntaf
 Tran rhedeg drwy barciau Caerdydd i gadwn heini ac i ymarfer ar gyfer ras marathon yn y Brifddinas fis Medi nesaf wnaeth Sara Hunter erioed freuddwydio y byddai'n sefyll ar lwyfan cenedlaethol yr Urdd yn un o'r parciau hynny heddiw.
Yr actores ar gyflwynwraig deledu yw llywydd y diwrnod cyntaf Prifwyl yr Urdd yng Nghaerdydd ond er wedi cystadlu ar lwyfan y brifwyl yn y gorffennol dywedodd na fu'n rhaid iddi erioed wynebu cynulleidfa ar ei phen ei hun o'r blaen.
Ond yr oedd yn dawel ei meddwl gan wybod y byddai ei gwr, Paul, au merch fach wyth mis oed, Soffia, yn y gynulleidfa.
"Yr ydw i'n edrych ymlaen at y dydd y bydd Soffia hefyd yn ddigon hen i gystadlu ar y llwyfan meddai Sara a enillodd Gadair yr Urdd yn 1987.
"Wnes i erioed gystadlu'n unigol ar y cystadlaethau llwyfan," meddai, "dim ond yn rhan o grwp neu ddeuawd - ond bydd yn rhaid imi sefyll ar y llwyfan ar fy mhen fy hun heddiw," meddai wrth BBC Cymru'r Byd.
Disgrifiodd y profiad fel anrhydedd arbennig iawn.
Mynegodd hefyd ei balchter mai yng Nghaerdydd y mae'r Eisteddfod yr wythnos hon gan fod hynnyn arwydd pellach or hyder newydd y mae'r brifddinas ifanc hon yn ei ennill yn Ewrop.
Disgrifiodd Eisteddfod yr Urdd fel gwyl sydd yn unigryw i Gymru yn rhoi y cyfle i blant mor ieuanc ag wyth oed gael y profiad o berfformio ar lwyfan.
Canmolodd hefyd y cynnydd a fu mewn addysg Gymraeg yn y Brifddinas. Yn dod or Barri bu'n rhaid iddi hi fynychu ysgol Gymraeg Glantaf yng Nghaerdydd "ond erbyn heddiw y mae ysgol Gymraeg yn Y Barri ei hun," meddai.
Manteisodd Sara ar y cyfle i ddangos yr Eisteddfod iw gwr, Paul, syn dod o Donteg yn wreiddiol ac sy'n dysgu Cymraeg.
"Dydi o erioed wedi bod yn yr Eisteddfod," meddai, "ac rwyn edrych ymlaen at fedru dangos gwyl mor gyffrous ag amrywiol ydi hi iddo fo," meddai.
|
