 Cyfle ar ôl cyfle i lywydd newydd yr Urdd
 Talodd llywydd newydd yr Urdd deyrnged i'r Mudiad am yr holl gyfleoedd a roddodd iddi dros y blynyddoedd ac am ei gwneud "yn berson cyflawn".
Daw Eirith Evans yn wreiddiol o Flaenycoed, Caerfyrddin, ond maen awr yn byw ym Mhontgarreg ger Llangrannog.
Ac mewn cynhadledd i'r wasg ar Faes yr Eisteddfod ddydd Llun dywedodd fod yr Urdd yn parhau i gynnig cyfleon gwerthfawr iddi.
"Er fy mod in awr yn rhy hen i gystadlu y maer Urdd yn dal i gynnig cyfleon ar ffurf hyfforddi er enghraifft," meddai.
Dywedodd ei bod hefyd yn cynrychioli'r Urdd ar Ddolen Cymru Lesotho ac wedi ymweld â'r wlad honno ddwywaith.
Ond pan oedd gan Eirith hawl i gystadlu cymerodd ran mewn llu o gystadlaethau dros y blynyddoedd gan ddod yn drydydd am adrodd dan 12 yn y Genedlaethol.
Yn ogystal ag ymweld â Lesotho y mae Eirith hefyd wedi gweithio yn Awstralia a mynychodd goleg addysg yn Innsbruk, Awstria ac ar gwrs yng nghanolfan ofod NASA yn yr Unol daleithiau.
Pan yn arweinydd Adran Bro Elfed cymerodd ran mewn gwyl Blant yn Nhwrci a bu mewn gwyl Geltaidd yn barbados gydag Aelwyd Hafodwenog.
Disgrifiodd ei phrif ddiddordebau fel cerddoriaeth ac maen canu'r sacsoffon, ffidil a'r delyn ag yn organyddes yn ei chapel.
Talodd deyrnged arbennig i'r rhan a chwaraeodd yr Urdd yn ei bywyd:
"Mae'r Urdd wedi cyfrannu llawer i'm gwneud i'n unigolyn cyflawn ac wedi fy ngalluogi i chwarae rhan adeiladol yn y gymdeithas. Ystyriaf hi'n fraint ac yn anrhydedd i fod yn llywydd yr Urdd ."
|
