Cyrsiau AB Eraill

Yn gwybod pa fath o swydd rwyt ti am ei chael?
Eisiau cwrs mwy penodol-i-swydd na TAAU?
Efallai fod dy goleg lleol yn cynnig yr union gwrs i ti!

Pa gyrsiau AB eraill sydd ’na?

Mae yna gyrsiau amser llawn eraill sy’n agored i rai 16+ ar wahân i TAG Uwch/AS a GNVQ. Mae’r cyrsiau hyn yn arwain at gymwysterau fel TAAU, Diplomâu BTEC a’r Tystysgrifau CACHE mewn nyrsio meithrin a gofal plant. Mae’r cymwysterau hyn yn gysylltiedig â swyddi neu yrfaoedd mwy penodol, felly mae gofyn i ti fod yn weddol siwr dy fod ti’n gwybod pa fath o waith rwyt ti am ei wneud cyn i ti ddewis yr opsiwn hwn.

Rhai pynciau y gellir eu dilyn?

• Amaethyddiaeth a phynciau eraill sy’n gysylltiedig â’r tir
• Arlwyo
• Astudiaethau chwaraeon
• Celfyddydau perfformio
• Electroneg
• Ffasiwn
• Ffotograffiaeth
• Gofal plant a nyrsio meithrin
• Gofalu am anifeiliaid
• Harddwch
• Peirianneg
• Rheoli ceffylau
• Sgiliau swyddfa
• Trin gwallt

Beth yw cyrsiau BTEC?

Mae cyrsiau BTEC yn debyg i GNVQ/TAAU ond eu bod wedi eu seilio’n agosach ar yrfaoedd penodol fel Ffotograffiaeth neu Beirianneg Trydannol.

Mae Diploma Cyntaf BTEC mwy neu lai yn gyfysty i bedai TGAU gradd C tra bod Diploma Cenedlaethol BTEC yn cyfateb i ddwy lefel TAG Uwchneu’r dyfarniad ‘deuddeg uned’ TAAU, felly gellir ei ddefnyddio i wneud cais i brifysgol neu i chwilio am waith.

Beth yw NVQs?

Cymwysterau sy’n canolbwyntio’n benodol ar swyddi yw NVQs, neu Gymwysterau Galwedigaethol Cenedlaethol. Gellir ymgymryd â nhw ar wahanol lefelau – Lefel 1 yw’r hawsaf.

Mae NVQs yn dangos i gyflogwyr dy fod wedi cael dy hyfforddi a dy fod wedi cyrraedd lefel benodol o sgil mewn crefft benodol fel trin gwallt neu weldio.

Pobl sy’n gweithio neu’n cael eu hyfforddi sy’n gwneud NVQs gan mwyaf, ond mae rhai ysgolion a cholegau yn cynnal cyrsiau rhan-amser sy’n arwain at NVQs

Beth nesa ar ôl Cyrsiau AB ar gyfer swydd benodol?

Not Found

Not Found

Lefel A/AS
GNVQ

Hyfforddiant mewn gwaith
Swyddi

Not Found

Not Found